لاپۆرتا؛ هیچ کەسێک لە لۆگۆی بارسێلۆنا گەورەتر نییە

لە یەکەمین ساتی کردنەوەی کەمپینی بانگەشەی هەڵبژاردنی سەرۆکایەتی یانەی بارسێلۆنا خوان لاپۆرتا سەرۆکی پێشووی بارسێلۆنا و کاندیدی بەهێزی ئەم هەڵبژاردنە چەند لێدوانێکیدا و چەند بەڵێنێکی بە هاندەرانی یانەکەدا.

لاپۆرتا وتی؛ هەموومان بەیەکەوە بەرگری لە شکۆی بارسێلۆنا دەکەین وەک ئەوەی دەمانەوێت تاکو ئێمە هەموو شتێک ببەینەوە،هیچ کەسێک لەلۆگۆی بارسێلۆنا گەورەتر نییە.

لەبەردەوامی قسەکانیدا لاپۆرتا جەختی لە بەدەستهێنانی نازناو کردەوە بۆ بارسێلۆنا و وتی؛ ئێمە ئەوە لە ڕابردوو کردومانە بە خۆشەویستیەکی زۆرەوە بووە وە هەموو کاتێک هەوڵ دەدەم یانەکەمان بکەمە خاوەنی زۆرترین دەستکەوت بەڵێنی ئەوەشتان پێدەدەم ئەمساڵ نازناوی لالیگا دەبەینەوە بەبێ دوو دڵی.

“سەرکار ڕێبوار”

میسی و بۆسکێتس ژمارەیەکی پێوانەیی تۆمار دەکەن

لیۆنێل میسی و سێرجیۆ بۆسکێتس ژمارەیەکی سەرنج راکێشیان کردووە بەناوی خۆیانەوە بەجۆرێک بوونەتە دوو یاریزان کە زۆرترین یارییان پێکەوە ئەنجامداوە.

یەکێتی ئامار و مێژووی تۆپی پێ راگەیاندرواێکی بڵاوکردەوە و تێێدا هاتووە کە بۆسکێتس و میسی 653 یارییان پێکەوە بۆ بەرشەلۆنە و ئینتەر میامی ئەنجامداوە بەجۆرێک هیچ دوانەیەک نییە ئەو ژمارەیەیان هەبێت.

میسی و بۆسکێتس لە بەرواری 16ی نۆی ساڵی 2008 یەکەم یاریی خۆیان پێکەوە بەدرێسی بەرشەلۆنە ئەنجامدا و لە بەرواری شەشی مانگی دووی 2026یش کۆتا یارییان بەدرێسی ئینتەر میامی ئەنجامدا و پێشبینیش دەکرێت ژمارەی یارییەکان زیاتربێت چونکە پێکەوە بەردەوامن لە یارییکردن.

مەرجی مانەوەی سیمیۆنی ئاشکرابوو

ماوەی گرێبەستی دێگۆ سیمیۆنی راهێنەری ئەتلەتیکۆ مەدرید تەنها یەک ساڵی ماوە و نوێ کردنەوەشی پەیوەستە بە ئەنجامەکانی لەم وەرزە.

رۆژنامەی ئاس ئاماژەی بەوەکردووە کە ئەگەر سیمیۆنی ئەم وەرزە نازناوێک بۆ تیپەکەی بباتەوە ئەوا بەرپرسانی ئەتلەتیکۆ مەدرید ئامادەن گرێبەستەکەی نوێ بکەنەوە تاوەکوو هاوینی ساڵی 2029.

سەرچاوەکە ئەوەی ئاشکراکردووە کە راهێنەرەکەش لە رۆز بلانکۆس دڵخۆشە هەربۆیە ئەگەر زۆرە لەساتی پێشکەشکردنی ئۆفەری گونجاو لەلایەن بەرپرسانی تیپەکەیەوە راستەوخۆ واژۆی لەسەر بکات.

ئەتلەتیکۆ لە ئێستادا رکابەری لەسەر سێ نازناو دەکات بەجۆرێک لە چامپیۆنزلیگ لە قۆناغی پلەی ئۆفە و لە جامی شا لە قۆناغی پێش کۆتاییە و لە خولی ئیسپانیاش پلەی چوارەمی گرتووە.

کاردانەوە جیهانیەکان لەسەر ڕووداوەکانی دوێنێی ڤینسیۆس

دوای ڕووداوەکانی شەوی ڕابردووی یاری نێوان بێنفیکا و ڕیاڵ مەدرید ئەمرۆ مانشێتی ڕۆژنامەکان بوو بەو ڕووداوە،کە لە یاریەکەدا ڕووبەرڕوو بوونەوە بینرا لەنێوان ڤینسیۆس و هاندەران و یاریزانانی بێنفیکا،ئەمە جگە لە ڕەگەزپەرستی بەرامبەر ڤینسیۆس،کە زیاتر ئاگرەکەی خۆش کرد.

بەپێی ڕاپۆرتی سکای سپۆرت بێت دوای تۆمار کردنی گۆڵە ناوازەکەی ڤینسیۆس،پریستیانی لێی نزیک بۆتەوە و بەدرێسەکەی دەمی داپۆشیوە و شتێکی پێگوتووە،کە ئەمە ئاڵۆزیەکی تەواوی دروست کرد و ڤینسیۆس لای ناوبژیوان سکاڵای کرد پریستیانی پێی گوتووە مەیموون.

دوای یارییەکەش لە لێدوانێکیدا ئەلێکساندەر ئارنۆڵدی یاریزانی یانەی ڕیاڵ مەدرید گوتی؛ بەڕاستی ئەمە شەرمەزاری و ئابڕوو چوونێکی زۆر گەورەیە،کە بەرامبەر ڤینی کرا.

ئەوەی جێگای سەرنجە لەم کاردانەوەکانی ئەم ڕووداوانە تەنها چەند ڕۆژنامەیەکی ئەرجەنتینی و پورتوگالی نەبێت دەنا بەشێکی زۆر میدیا جیهان و ڕۆژنامەکان لەم بابەتە حەق دەدەنە ڤینسیۆس لەبەرامبەر ئەو کێشە و مشتومڕەی دووچاری کرایەوە.

“سەرکار ڕێبوار”

مۆرینیۆ؛ نەدەبووایە ڤینسیۆس بەو شێوەیە ئاهەنگ بگێڕیت

دوای ئەو ڕووداوانەی لە یاری نێوان بێنفیکا و ڕیاڵ مەدرید ڕوویدا،کە دوای گۆڵەکەی ڤینسیۆس لە خولەکی 50 کێشەی گەورە نێوان یاریزانان و هاندەرانی بەنفیکا لەگەڵ یاریزانانی ڕیاڵ مەدرید،کە یاریەکە بۆ ماوەیەک ڕاگیرا.

شایەنی باسە جۆزی مۆرینیۆی ڕاهێنەری بێنفیکا لە لێدوانێکیدا وتی؛ ئەوەی ڕوویداوە شتێکی باش نییە،من قسەم لەگەڵ ڤینسیۆس کرد،کە نەدەبووایە بەو شێوەیە ئاهەنگ بگێڕێت چونکە کاردانەوەی لەو جۆرە دروست دەبێت.

دەربارەی قسە کردنی نێوانی پرێستانی مۆرینیۆ وتی؛دڵنیام قسە کردن هەبوو لەنێوان ڤینسیۆس و پرێستانی بەڵام نامەوێ لایەنگیری بکەم،وە من بە ڤینسیۆسم وتووە،کە ئێمە دژی ڕەگەز پەرستین چونکە گەورەترین کەسایەتی مێژووی بێنفیکا ڕەش پێستە.

“سەرکار ڕێبوار”

کریستیانۆ رۆناڵدۆ ئامادەیە قوربانیەک بدات بۆ ئەوەی بەشداری مۆندیال بکات

بەپێی نوێترین زانیارییەکان کە پێگەی زە تەچلاین بڵاویکردووەتەوە رۆناڵدۆ بە تەواوی ئامادەیە قبووڵی بکات کە وەک یاریزانی یەدەگ بەشداریی مۆندیال بکات، ئەگەر ڕۆبێرتۆ مارتینێز پێی وابێت ئەمە لە بەرژەوەندیی تاکتیکی تیپەکەدایە.

ئەم هەڵوێستە دوای ئەوە دێت کە لە مۆندیالی 2022ی قەتەر، کێشەی زۆر سەبارەت بە یەدەگبوونی ڕۆناڵدۆ دروست بوو، بەڵام وا دیارە ئەزموونی ساڵانی رابردوو وای لێکردووە بەرژەوەندیی گشتی بخاتە پێش هەموو شتێک.

لە کاتێکدا زۆرێک لە چاودێران پێیان وایە توانای جەستەیی رۆناڵدۆ هێشتا لە ئاستێکی بەرزدایە، یاریزانەکە بڕیاری کۆتایی بۆ راهێنەر بەجێهێشتووە و هیچ فشارێک ناکات بۆ یاریکردنی و ناڕەزای دەرنابڕێت.

ئەفسانەکە بەم بڕیارە دەیەوێت وەک ڕێبەرێکی ڕۆحی لەناو ژووری جلگۆڕیندا بمێنێتەوە و دەیەوێت بە هەر جۆرێک کە لە بەرژەوەندی هەڵبژاردەکەیەتی یاریبکات، ئەمەش دەکرێت یارمەتیدەرێکی گەورە بێت بۆ کەمکردنەوەی فشارە میدیاییەکان لەسەر پورتوگال و دروستکردنی هاوسەنگی لە نێوان نەوەی کۆن و نوێی یاریزانەکاندا.

یانەکانی ئینگلتەرا ئەم وەرزە زۆرترین داهاتیان هەبووە

یانە ئینگلیزییەکان لە هەر سێ پاڵەوانێتییەکەی ئەوروپادا باڵادەستییەکی دارایی رەهایان نیشان داوە و توانیویانە داهاتی 566 ملیۆن یۆرۆ کۆبکەنەوە، کە ئەم ژمارەیە نزیکەی 200 ملیۆن یۆرۆ لە کۆی داهاتی یانەکانی لالیگا زیاترە.

ئەم سەرکەوتنە داراییە راستەوخۆ بەستراوەتەوە بە دەستکەوتە وەرزشییەکانەوە؛ چونکە پێنج تیپی ئینگلتەرا لە ریزبەندی هەشت باشترینەکانی چامپیۆنز لیگدا بوون و یانەکانی وەک نیوکاسڵ و ناتینگھام فۆرێستیش لە قۆناغەکانی تری ئەوروپادا بەشدارن، ئەمەش بووەتە هۆی رژانی سەرمایەیەکی زۆر بۆ نێو تۆپی پێی ئەو وڵاتە.

لەسەر ئاستی تاکەکەسی، یانەی ئارسناڵ بە بەدەستهێنانی 48 ملیۆن و 500 هەزار یۆرۆ لە پێشەنگی هەموو یانەکاندایە، دوای ئەوەی توانی هەموو یارییەکانی قۆناغی کۆمەڵەکان بباتەوە.

لە بەرامبەردا، یانەی بەرشەلۆنە بە 41 ملیۆن یۆرۆ و 500 هەزار یۆرۆ بەرزترین داهاتی لەسەر ئاستی ئیسپانیا هەبووە و بە جیاوازیی سێ ملیۆن یۆرۆ لە پێش ریاڵ مەدریدەوەیە؛ چونکە ریاڵ بەهۆی سەرنەکەوتنی راستەوخۆ بۆ قۆناغی 16، بڕێکی کەمتر پارەی بەدەستهێناوە.

لە ڕیزبەندی خولەکاندا، پریمەر لیگ لە پلەی یەکەم و لالیگا لە پلەی دووەمدایە، لە کاتێکدا بوندس لیگا و سێریا ئەی لە خانەکانی دواتردا دێن

یەکێتیی ئەوروپا ١٠٧ ملیار دۆلار قەرزی بۆ ئۆکرانیا پەسەند کرد

پەرلەمانی یەکێتیی ئەوروپا قەرزێکی بە بڕی ١٠٧ ملیار دۆلار بۆ ئۆکرانیا پەسەند کرد کە بەپێی بڕیارەکە بۆ ماوەی دوو ساڵ زۆربەی پێداویستییەکانی بودجە و سەربازیی ئەو وڵاتە پڕ دەکاتەوە.

دوای هەڵگیرسانی شەڕ، بەهۆی زیادبوونی خەرجییەکانی بەرگری، کورتهێنانی بودجەی ساڵانەی ئۆکرانیا نزیکەی ٢٠٪ بەرزبووەتەوە و ئەمەش کیێڤی ناچار کردووە زیاتر پشت بە قەرزی دەرەکی ببەستێت.

سەرکردەکانی یەکێتیی ئەوروپا لە ١٩ی دیسەمبەری ٢٠٢٥ لەسەر ئەم قەرزە ڕێککەوتن و پەرلەمانیش لە ١١ فەبریوەریی ٢٠٢٦ پەسەندی کرد. بەپێی پلان، بڕیارە پارەکە لە مانگی نیسانی ئەمساڵ بگاتە کیێڤ.

بەپێی هەڵسەنگاندنە داراییەکان، ئەگەر ئۆکرانیا لە هاوپەیمانەکانی قەرز وەرنەگرێت، لە ناوەڕاستی ئەمساڵ دەتوانێت ڕووبەڕووی کەمبوونی پارەی کاش ببێتەوە. ئەم قەرزە وەک هەنگاوێکی سەرەکی بۆ چارەسەرکردنی ئەم کێشەیە لە ساڵانی ٢٠٢٦ و ٢٠٢٧ دادەنرێت.

نرخی نەوت لە بازاڕەکانی جیهاندا نزیکبووەوە لە 70 دۆلار

نرخى نەوت لە بازاڕەکانی جیهاندا بەردەوام لە گۆڕاندایە و بەراورد بە دوێنێ هەریەکە لە نەوتی خاوى برێنت و تەکساسی ئەمەریکیش نرخەکانیان بەرزبونەوەیان تۆمارکردوە.

ئەمڕۆ پێنجشەممە لەدوای کردنەوەی بازاڕەکانی ئاسیا نرخی نەوت بەرزبونەوەیان تۆمارکردوە و هەر بەرمیلێک نەوتی خاوی برێنت (Brent) لە بازاڕەکانی جیهاندا بە 69.60$ سەنت مامەڵەی پێوە دەکرێت، بەراورد بە دوێنێ 57 سەنت لە نرخەکەی بەرزبووەوە.

هاوكات، نرخی بەرمیلێک نەوتی رۆژئاوای تێكساسیش (WTI) بەرزبوونەوەی بەخۆیەوە بینی کە بە 64.85$ سەنت لە بازاڕەکاندا مامەڵەی پێوە دەکرێت، بەراورد بە دوێنێ 69 سەنت لە نرخەکەی بەرزبووەوە.

عەزیز ئەحمەد: لە ماوەیەکی کەمدا 25 هەزار وەسڵی کارەبا بە “ئی پسوولە” دراون

نووسینگەی سەرۆکوەزیرانی هەرێمی کوردستان ئاماری نوێی بەکارهێنانی سیستەمی “ئی پسوولە”ی ئاشکرا کرد و ڕایگەیاند، لە ماوەیەکی پێوانەییدا دەیان هەزار هاوبەشی کارەبا سوودیان لەم خزمەتگوزارییە وەرگرتووە.

عەزیز ئەحمەد، جێگری بەڕێوەبەری نووسینگەی سەرۆکی حکوومەتی هەرێمی کوردستان، لە پەیامێکدا لە تۆڕی کۆمەڵایەتیی ‘ئێکس’ (تویتەری پێشوو) بڵاویکردەوە، لەدوای ئەوەی ڕۆژی 10ی ئەم مانگە مەسرور بارزانی، سەرۆکی حکوومەتی هەرێمی کوردستان پڕۆژەی “ئی پسوولە”ی بۆ پارەدانی ئەلیکترۆنی ڕاگەیاند، پێشوازییەکی بەرچاو لە سیستەمەکە کراوە.

عەزیز ئەحمەد ئاماژەی بەوەشداوە کە تەنها لەو ماوە کورتەدا، 25 هەزار وەسڵی کارەبا لە ڕێگەی “ئی پسوولە”وە پارەکەیان دراوە، ئەمەش نیشانەی سەرکەوتنی پڕۆسەی بەدیجیتاڵکردنی خزمەتگوزارییە گشتییەکانە.

جێگری بەڕێوەبەری نووسینگەی سەرۆکوەزیران ڕوونیشی کردەوە، حکوومەتی هەرێم وەک دەستپێشخەرییەک و بۆ هاندانی هاووڵاتییان، بڕیاری داوە بە ڕێژەی 20% داشکاندن بۆ ئەو هاوبەشانەی کارەبا بکات کە لە ڕێگەی “ئی پسوولە”وە پارەکانیان دەدەن.

سیستەمی “ئی پسوولە” هەنگاوێکی نوێی حکوومەتی هەرێمی کوردستانە بۆ بەئەلیکترۆنیکردنی پارەدانی خزمەتگوزارییە گشتییەکان، کە لە ڕێگەی ئەو بانکانەوە ئەنجام دەدرێت کە لەلایەن بانکی ناوەندیی عێراقەوە مۆڵەتی فەرمییان پێ دراوە.