مافی پەنابەری درایە یاریزانانی ئێران

دوای ڕووداوەکانی هەڵبژاردەی خانمانی ئێران لە جامی نەتەوەکانی ئاسیا هەرایەکی زۆر کەوتە نێو وڵاتی ئوسترالیا،کە میوانداری ئەو پاڵەوانەتیەی دەکرد،دوێنێ لەکاتی گەڕانەوەیان لە فڕۆکەخانە یاریزانانی هەڵبژاردەی ئێران ئامادە نەبوون سواری فڕۆکەبن و لە پاسەکەیان دابەزن.

ئەم بابەتە تۆپی پێ و وەرزشی تێپەڕاند و یەکێک لە کاریگەرترین کەسایەتیە سیاسیەکانی دونیای هێنایە سەر هێڵ ئەویش دۆناڵد ترەمپی سەرۆکی ئەمریکا بوو،کە لەڕێگەی پۆستێکەوە بەرپرسانی ئوسترالیای ئاگادار کردەوە مافی پەنابەری بداتە یاریزانانی ئێران،ئەگەرنا خۆیان پێیان دەدەن.

ڕاستەوخۆ دوای قسەی ترەمپ ئوسترالیا مافی پەنابەری دایە ئەو یاریزانانە،بە بیانووی هەبوونی مەترسی لەسەر گیانیان گواستراونەتەوە بۆ شوێنێکی سەلامەت.

“سەرکار ڕێبوار”

رافاێل لۆزان: قەتەڕ سەلامەت نیە بۆ فینالیسیما

لە نوێترین پێشهاتدا سەبارەت بە چارەنووسی یاریی فینالیسیما لە نێوان ئیسپانیا و ئەرجەنتین رافایل لۆزانی سەرۆکی فیدراسیۆنی تۆپی پێی ئیسپانیا ئاماژەی بەوەکرد کە قەتەر جێگایەکی باشنیە لە ئێستادا بۆ یارییکردن.

وتیشتی سەلامەتی یاریزانەکانمان لەهەمووشتێک گرنگترەوە و هەرگیز کارێک ناکەین گیانیان لە مەترسیدا بێت لۆزان جەختی لەوەشکردەوە کە زۆرینەی یاریزانەکانی هەردوو هەڵبژاردە لە کیشوەری ئەوروپا یاریی دەکەن هەربۆیە باشترین جێگا بۆ ئەنجامدانی فینالیسیما ئەوروپایە.

لە کۆتاییدا رافایل لۆزان ئەوەی ئاشکراکرد کە لە نزیکترین کاتدا بە هاوبەشی لەگەڵ یەکێتی تۆپی پێی ئەمریکا و فیدراسیۆنی تۆپی پێی ئەرجەنتین بڕیاریی کۆتایی لەسەر شوێنی بەڕێوەچوونی یاریی فینالیسیما دەدەین.

پێش مۆندیال ئەستێرەیەکی هەڵبژاردەی ئینگلتەرا وازدەهێنێت

لە بەیاننامەیەکی فەرمیدا کایڵ وۆڵکەری یاریزانی یانەی بێرنلی دوای 14 ساڵ یاری کردن وازهێنانی خۆی لە یاری نێودەوڵەتی ڕاگەیاند و پەیامێکی ئاڕاستەی هاندەرانی و یاریزانانی هەڵبژاردەی ئینگلتەرا کرد.

لە پەیامەکەیدا وۆڵکەر دەڵێت؛دەمەوێت زۆر سوپاسی هاندەرانی هەڵبژاردەکە بکەم،کە پاڵپشتی سەرەکی ئێمە بوو بۆ کاتە سەختەکان و زۆر سوپاسی یاریزانان و هاوڕێکانم دەکەم بۆ ئەو ماوەیە هاوکارم بوون،بۆ مۆندیال دەمەوێت لەدوورەوە هانیان بدەم تاکو بگەینە خەونە گەورەکەمان.

وۆڵکەر ئێستا تەمەنی 35 ساڵە و لەماوەی یاری کردنی لەگەڵ هەڵبژاردەی ئینگلتەرا 96 یاری ئەنجامداوە و خاوەنی تاکە گۆڵێکە،لەمۆندیالی 2022ی قەتەر یەکێک بوو لە یاریزانە ئاست بەرزەکانی هەڵبژاردەکە لەو کاتەدا.

“سەرکار ڕێبوار”

فیفا؛ مۆندیاڵ لە کاتی خۆیدا بەڕێوەدەچێت

سەرەڕای پەرەسەندنی گرژییەکانی ڕۆژهەڵاتی ناوەڕاست و سەرهەڵدانی شەڕ، فیدراسیۆنی نێودەوڵەتی تۆپی پێ جەخت لەوە دەکاتەوە کە مۆندیالی 2026 لە کاتی دیاریکراوی خۆیدا 11ی حوزەیران تا 19ی تەممووز لە هەریەکە لە وڵاتانی ئەمریکا، مەکسیک و کەنەدا بەڕێوەدەچێت.

هایمۆ شێرگی، بەڕێوەبەری جێبەجێکاری کارەکانی فیفا، ڕایگەیاند کە مۆندیال ڕووداوێکی یەکجار گەورەیە و دواخستنی مەحاڵە، ئاماژەشی بەوە کرد کە فیفا ڕۆژانە چاودێری دۆخی سیاسی و ئەمنی ناوچەکە دەکات بۆ پاراستنی سەلامەتی هەڵبژاردەکان.

یەکێک لە تەوەرە گەرمەکانی ئێستا، ئەگەری کشانەوەی هەڵبژاردەی ئێرانە لە پاڵەوانێتییەکە بەهۆی دۆخی سیاسی و سەربازییەوە هەرچەندە ئێران لە کۆمەڵەی حەوتەمدایە، بەڵام بەپێی یاساکانی فیفا، کشانەوە لە دوای تیروپشک سزای توندی دارایی و وەرزشی بەدوای خۆیدا دەهێنێت، کە ڕەنگە سزاکەی بگاتە 555 هەزار یۆرۆ و بێبەشکردنی لە پاڵەوانێتییەکانی داهاتوو.

ئەمەش لە کاتێکدایە کە ئەگەری ڕووبەڕووبوونەوەی ئێران و ئەمریکا لە قۆناغەکانی کۆتاییدا هەیە، کە ئەمە ڕەهەندێکی سیاسیی قووڵ دەبەخشێتە یارییەکە، بەتایبەت لە سایەی سنووردارکردنی گەشتکردن بۆ هاووڵاتیانی ئێرانی لەلایەن ئیدارەی تره‌مپەوە، هەرچەندە وەرزشوانان لەو بڕیارە بەدەر کراون.

ئێستا فیفا هەوڵ دەدات هاوسەنگییەک لە نێوان پاراستنی یارییەکە و ئەو ئاڵۆزییە نێودەوڵەتییانەدا دروست بکات کە بەرۆکی جیهانی وەرزشی گرتووە

ئاربێلوا؛ بۆ یارییەکەمان ئامادەین

لە کونگرەیەکی ڕۆژنامەوانیدا ئەلڤارۆ ئاربێلوا ڕاهێنەری یانەی ڕیاڵ مەدرید دەربارەی ئامادەیی خۆیان دڵنیایی دایە هاندەران و بە ڕوونی ئاشکرایی باسی لەبەهێزی تیپەکەی کردەوە سەرڕای هەموو شتێک.

ئاربێلوا وتی؛ئێمە ئامادەین بۆ یاریەکە و هەمیشە ڕیاڵ مەدرید پاڵوێراوی سەرەکی بووە بۆ بردنەوەی چامپیۆنزلیگ،ئێمە مەدریدین،هەزگیز خۆمان لەکەس بەکەمتر نازانین.

ڕیاڵ مەدرید ئەمشەو کاتژمێر 11:00ی شەو بەکاتی هەرێمی کوردستان میوانداری یانەی مان ستی دەکات و بەگۆمەڵێک زەحمەتی تێپەڕ دەبێت و کۆمەڵێک ئەستێرەی مێرێنگی بەهۆی پێکانەوە دادەبڕێن.

“سەرکار ڕێبوار”

بەفەرمی ئێران بڕیاری کۆتاییدا لەسەر بەشداری کردنی لە مۆندیال

بەهۆی ئاڵۆزی و کێشەکانی ڕۆژهەڵاتی ناوەڕاست و تێکچوونی باری ئەمنی وڵاتی ئێران،لەهەموو ڕوویەکەوە ئەو وڵاتە کەوتە قەیران و تۆپی پێش یەکێکی دیکەیە لە قوربانیەکانی ئەو شەڕە.

ئەمڕۆ لە لێدوانێکیدا وەزیری وەرزشی وڵاتی ئێران بەفەرمی ڕایگەیان،بەهۆی ئاڵۆزی وڵاتەکەیان بەهیچ شێوەیەک ئامادەنین سەفەری مۆندیال بکەن و ناتوانن بەشداری ئەو مۆندیاله بکەن،کە قەرارە لە 11ی مانگی شەشی ئەمساڵ دەست پێبکات.

ئێران کەوتۆتە کۆمەڵەی حەفتەمی مۆندیالەکە،هاوشانی بەلجیکا و میسر و نیوزلەندا خۆی دەبینێتەوە،بەڵام ئەم بڕیارەی وەزیری وەرزشی ئێران بارودۆخەکەی لە هەڵبژاردەکە گۆڕی و ئیتر ئێران و مۆندیال بوونەتە خەونێک.

“سەرکار ڕێبوار”

ناسر خلێفی ناتوانێت بگەڕێتەوە پاریس

ئەمشەو لەیاری چوونی قۆناغی شانزەی چامپیۆنزلیگ یانەی پاریس سانجێرمان میوانداری یانەی چێڵسی دەکات،کە قەرارە یاریەکەیان کاتژمێر 11:00ی شەو بەکاتی هەرێمی کوردستان بەڕێوەبچێت.

هەر لەسەر بابەتەکانی ئەو یاریەدا ئەمڕۆ میدیاکانی فەڕەنسا و قەتەڕ پشتڕاستیان کردەوە ناسر خلێفی سەرۆکی یانەی پاریس سانجێرمان لەوڵاتی قەتەڕ گیری خواردوە ناتوانێت سەفەری پاریس بکاتەوە بەهۆی ئەو بارودۆخەی لەقەتەڕ ڕوودەدات،کە ڕێگای ئاسمانی لەو وڵاتە داخراوە.

شایەنی باسە ناسڕ خلێفی سەرۆکی یانەی پاریس سانجێرمان لەهەموو یاریەکانی یانەکەی ئامادە دەبێت،بەڵام ئەمشەو ناتوانێت بگەڕێتەوە پاریس و یانەکەش دەمێکی زۆرە بەدوای ڕێگایەکە تاکو خلێفی بگەڕێننەوە پاریس.

“سەرکار ڕێبوار”

بارتۆمیۆ: لە سەرۆکایەتی لاپۆرتا ناڕازییە

جۆسێپ ماریا بارتۆمیۆ سەرۆکی پێشووتری یانەی بەرشەلۆنە هێرشێکی توندی کردە سەر خوان لاپۆرتا و ڕەخنەی لێ گرت سەبارەت بە چۆنیەتی بەڕێوەبردنی یانەکە و ڕۆیشتنی لیۆنێل مێسی لە ساڵی 2021دا.

بارتۆمیۆ لە لێدوانێکیدا بۆ ئاژانسی هەواڵی ئیسپانی ئاشکرای کرد کە لە هەڵبژاردنە چاوەڕوانکراوەکەی ڕۆژی یەکشەممەی داهاتوو، دەنگ بە ڤیکتۆر فۆنت دەدات و پێیوایە سەردەمی ئەو بەرپرسانەی پێش دوو دەیە هاتوونەتە یانەکە کۆتایی هاتووە و کاتی ئەوەیە ڕێگە بۆ نەوەی نوێ و بیرۆکەی نوێ چۆڵ بکرێت.

بارتۆمیۆ ئاماژەی بەوە کرد کە ئازاربەخشترین بڕیاری لاپۆرتا ڕێگەدان بوو بە ڕۆیشتنی مێسی، کە بە بڕوای ئەو هێشتا دەیتوانی خزمەتی زۆر بە یانەکە بکات و لەگەڵ نەوەی نوێی یاریزانانی لاماسیا بگونجێت.

هەروەها ڕەخنەی لەوە گرت کە لاپۆرتا هەمیشە قەیرانە داراییەکان و پاشماوەی سەردەمی بارتۆمیۆ وەک بیانوو بەکاردەهێنێت، لە کاتێکدا پێنج ساڵ و نیو کاتی هەبوو بۆ چارەسەرکردنی کێشەکانی دوای سەردەمی کۆرۆنا، بەڵام نەیتوانیوە بە تەواوی چارەسەریان بکات.

سەبارەت بە شێوازی کارکردنی لاپۆرتا، بارتۆمیۆ باسی لەوەکرد کە ئەو سەرۆکە هیچ بەرنامەیەکی ڕوونی نییە و تەنها پشت بە هەست و پێشبینی دەبەستێت، کە هەندێک جار دەپێکێت و هەندێک جاریش نا.

تاکە هیوای ریاڵ مەدرید ڤینیسیۆسە

مەدرید بەبێ بەشێک لە ئەستێرەکانی بەتایبەت مباپێ و بێلینگهام میوانداری لە مانچستەر سیتی دەکات هەربۆیە ئەم پێشهاتە نیگەرانی لای یانەکە و هاندەرەکانی دروست کردووە.

رۆژنامەی ئاس راپۆرتێکی لەم بارەیەوە بڵاوکردووەتەوە تێێدا ئاماژەی بەوەکردووە کە تاکە هیوای ریاڵ مەدرید بۆ بردنەوە لە مان سیتی ڤینیسیۆس جۆنیۆرە.

سەرچاوەکە ئەوەی ئاشکراکردووە کە ڤینیسیۆس هەمیشە لە ساتە قورسەکان بووەتە فریادرەسی ریاڵ مەدرید و هەربۆیە هەموان هیوایان بە تواناکانێتی.

لەلایەکیترەوە ئەستێرە بەرازیلییەکە تەنها لە قۆناغەکانی کرانەدەرەوەی خولی یانە پاڵەوانەکانی ئەوروپا بەشداری 20 یاریی کردووە و توانیوێتی لە 17یارییاندا بەشداری گۆڵی هەبێت.

خشتەی دابەشکردنی مووچە راگەیندرا

وەزارەتی دارایی خشتەی دابەشکردنی مووچەی فەرمانبەران و مووچەخۆرانی هەرێمی کوردستان بۆ مانگی شوبات راگەیاند .

بەپێی خشتەکە ڕۆژی سێ شەممە ( ١٠ ی ئازاری ٢٠٢٦ ) دەست بەدابەشکردنی مووچەی مانگی شوبات دەکرێت و ڕۆژی پێنج شەممە ( ١٢ ی ئازاری ٢٠٢٦ ) کۆتایی بەدابەشکردنی مووچە دێت.

ڕاگەیاندنی وەزارەتی دارایی و ئابووری ٩ ی ئازاری ٢٠٢٦