ئازادی ل هەرێما کوردستانێ
هێرش صالح عبداللە
بێ گومان ئازادیا ڕادەربڕینێ ئێک ژ مافێن بنەڕەتیێن هەر مرۆڤەکی یە، و دەمێ لایەنێن دەسەڵاتدار سنوورداریێ دئێخنە سەر ڤی مافی باندورەکا راستەوخۆ ل سەر هەموو بەشێن جڤاکی دروست دکەت و دبیتە ئاریشەکا مەزن دناڤ هەمی وەلاتی دا ، کۆنترۆڵکرنا دەنگێ سەربەخۆ /ل گەلەک دەم و جهان ، دەسەڵات هەوڵا کێم کرن یان بێدەنگکرنا دەنگێن ڕەخنەگر و ڕۆژنامەڤان و ماموستایا ب تایبەت ددەت، ئەڤەژی زیانێ دگەهینیتە بڕیارێن دادپەروەرانە و پاشەکشێ ب پرۆسەیا دیمۆکراسیێ دکەت ، ترس و بێدەنگی د جڤاکی دا پەیدا دبیت دەمێ ئازادیا ئاخفتنێ و دەربریناهزران دهێتە بەرتەنگکرن ، ترس د ناڤ جڤاکی دا بەلاڤ دبیت ، کو ئەوژی باوەریا گەنجان و هەووڵێن پێشڤەچوونێ و سەرکەفتنێ ژناڤ دبەت و هزرێن نوو و ئافرێنەر بێدەنگ دکەت دناڤا مللەتی دا ، ماف و دادپەروەری زوڵم و نەبوونا ئازادیا ڕادەربڕینێ دەستکەفتێن ئابووری و ئاڤەدانیێ ژی بێ مفا دکەت و سنوردار دکەت ، چونکی بێی ئازادیا ئاخفتنێ ئاستەنگێن خەلکی ناگەهنە کەتوارێ بڕیاردانێ و گەندەڵیا گەندەلکاران ژی دهێتە ڤەشارتن .