بارسێلۆنا بڕیاری کۆتایی خۆیدا سەبارەت بە ڕاشفۆرد

ئەم وەرزە بۆ مارکۆس ڕاشفۆرد وەرزێکی سەخت بوو،دوای ئەوەی لە نیوەیدا بەخواستن لە مانچێستەر یونایتدەوە ڕوویکردە بارسێلۆنا،بەڵام ئاستی لەگەڵ یانە کەتەلۆنیەکە بەرچاو نەبووە،کە ئەمەش وایکردوە بۆ ئیمزا کردنی گرێبەستی هەمیشەیی لەگەڵ ئەستێرە ئینگلیزیەکە بکشێنەوە.

بەگوێرەی سەرچاوەکان بێت یانەی بارسێلۆنا نایەوێت گرێبەست لەگەڵ ڕاشفۆرد ئیمزا بکات ئەمەش بەهۆی ئەوەی یاریزانەکە ئاستی وەک پێویست نەبووە و پێدانی 30 ملیۆن یۆرۆش بە مان یونایتد قورس دەکەوێت لەسەر بلوگرانالەم کاتە بەهۆی قەیرانی داراییەوە،بۆیە یانەکە ئامادەیە دەستبەرداری بێت،کە ئەمە بابەتێکی تەواو چاوەڕوان کراوە.

شایەنی باسە دوای بارسێلۆنا ڕاشفۆرد دەگەڕێتەوە مان یونایتد و تۆتنهامیش لەسەر هێڵە بۆ گواستنەوەی یاریزانەکە بەهەمیشەیی،بەڵام تاکە ڕێگر لەبەردەم ئەو گرێبەستە دابەزینی تۆتنهامە لە پرێمەرلیگ،کە تاکو ئێستا ڕکابەری مانەوە دەکات و لەئەگەر مانەوەی ئەوا ڕاستەوخۆ مان یوو ئامادەیە ڕاشفۆرد بداتە تۆتنهام بە 30 ملیۆن یۆرۆ.

“سەرکار ڕێبوار”

لەکۆتاییدا کارێراس قسەی خۆی کرد دەربارەی کێشەکەی لە ڕیاڵ مەدرید

دوای ئەوەی لەماوەی ڕابردوودا ڕۆژنامەکان پەردەیان لەسەر کێشەیەکی ژووری جل گۆڕینی ڕیاڵ مەدرید لادا و ئاشکرایان کرد شەڕ و دەمەقاڵێ لەنێوان کارێراس و ڕۆدیگێر ڕوویداوە تەنانەت گەیشتۆتە ئەو حاڵەتەی ڕۆدیگێر بۆکسێکی لە کارێراس داوە.

لەسەر ئەم بابەتە کارێراس بێدەنگی شکاند و باسی ڕووداوەکەی کرد و وتی؛ لەم چەند ڕۆژەی ڕابردوودا چەند ناوزڕاندن و ناڕاستیەک لەسەر من بڵاوکراوەتەوە،کە ئەمانە تەنها بەمەبەست کراون،من لێرە هەموو ئەمانە ڕەتدەکەمەوە و پابەندم بە یانەکەم و ڕاهێنەر و ستافی تیپەکەم،سەبارەت بەو کێشەیەی لەگەڵ یەکێک لە هاوتیمەکانم هەمبووە تەنها شتێکی بێمانایە و لەماوەی ڕابردوودا چارەسەر کراوە،من پەیوەندیم لەگەڵ سەرجەمیان باشە.

کارێراس لەسەرەتای وەرزدا ئاستێکی بەرزی پێشکەش دەکرد،بەڵام لەم ماوەی ڕابردوودا شوێنی خۆی لە پێکهاتەی سەرەکی لەدەستداوە،وە ئەم قسانەیشی سەلمێنەری کێشەی نێو ماڵی ڕیاڵ مەدریدن لە ئێستادا،بەڵام ئەوەش دەسەلمێنێت یانەکە توانای چارەسەری هەیە بۆ کێشەکان.

“سەرکار ڕێبوار”

مشتومڕەکانی یاریەکەی دوێنێ شەو زیاتر دەبن و هێرش دەکرێتە سەر ناوبژیوان

دوێنێ لەقۆناغی پێش کۆتایی چامپیۆنزلیگ یانەی ئارسێناڵ بە تاکە گۆڵێکی خاوێن لە ئەتڵەتیکۆ مەدریدی بردەوە و گەیشتە یاری کۆتایی،بەڵام ئەوەی مایەوە داوای یاریەکە کۆمەڵێک مشتومڕی لێدانی سزا و هەڵەی ناوبژیوان بوو،کە لەسەر ئەم بابەتە هێرشی توند کراوە،

لای خۆیە ڕۆژنامەی ئاسی ئیسپانی نووسیوویەتی؛ ئەتڵەتیکۆ مەدرید یاریەکی زۆر نایابی کرد،بەڵام زوڵمی ناوبژیوان نەیهێشت بگاتە یاری کۆتایی،کە گریزمان شایەنی لێدانێکی سزا بوو،یاریەکە لەوە نەدەچوو تەکنەلۆژیای ڤاری تێدا هەبێت،بەڵکو بە پێش سەردەمی ڤار دەچوو،ئەتڵەتیکۆ مەدرید بووە قوربانی بڕیارەکانی ناوبژیوان.

لای خۆیانەوە تاکو ئێستا یانەی ئەتڵەتیکۆ مەدرید هیچ بەیاننامەیەکی فەرمیان بڵاو نەکردۆتەوە لەسەر ئەم بابەتە و قسەیان نەبووە،بەڵام قسەی ڕۆژنامە مەدرید و ئیسپانی و بەشێکی چاودێران دێڕێکیان نەهێشتۆتەوە تاکو یانە ئیسپانیەکە بیڵێت بۆ مافی خۆی.

“سەرکار ڕێبوار”

کارێراس کۆتایی بە دەنگۆکان هێنا

ئەلڤارۆ کارێراس یاریزانی یانەی ریاڵ مەدرید لە رێگەی ئەژماری تایبەتی خۆی لە ئینستاگرام وەڵامی ئەو هەواڵ و دەنگۆیانەی دایەوە کە لە چەند رۆژی رابردوودا لە میدیاکان بڵاوکرابوونەوە و باسیان لەوە دەکرد کە ئەو یاریزانە لە دەرەوەی پلانەکانی یانەکەیە و کێشەی لەگەڵ هاوڕێکانیدا هەیە.

ئەو یاریزانە ئاماژەی بەوە کرد کە تەواوی ئەو پڕوپاگەندانە ناڕاستن و بەهیچ شێوەیەک لەگەڵ ڕاستی رووداوەکاندا ناگونجێن و دوپاتیکردەوە کە لە یەکەم رۆژی گەڕانەوەی بۆ یانەکە بە تەواوی پابەند بووە بە ڕێنماییەکان و ڕاهێنانەکان و لە ئێستاشدا لە بەرزترین ئاستی خۆیدایە و هەست بە دڵخۆشیەکی زۆر دەکات.

سەبارەت بە پەیوەندییەکانی لەگەڵ یاریزانانی تری یانەکە کارێراس روونی کردەوە کە هیچ کێشەیەکی تایبەتی لەگەڵ کەسدا نییە و ئەوەی پێشتر روویداوە تەنها پەیوەندی بە گۆشەگیرییەوە هەبووە و لە ئێستادا ئەو بابەتە چارەسەر کراوە هەروەها جەختی لەوەش کردەوە کە هەمیشە رێزی کارەکەی دەگرێت و هەوڵی زۆری داوە تاوەکو جارێکی تر بگەڕێتەوە و درێسی یانەی شاهانە بپۆشێتەوە.

رۆمیلۆ لوکاکۆ گەرایەوە

دوای زیاتر لە مانگێک دابڕان لە یانەکەی، رۆمیلۆ لوکاکۆ هێرشبەری بەلجیکی گەڕایەوە ناوەندی راهێنانەکانی یانەی ناپۆلی ئیتاڵی، ئەمەش دوای ئەوەی ماوەیەکی درێژ بەهۆی پێکانەوە لە یاریگاکان دوورکەوتبۆوە.

گەڕانەوەی لوکاکۆ لە کاتێکدایە کە پەیوەندییەکانی لەگەڵ یانەی ناپۆلی تووشی گرژی ببوو، چونکە ناوبراو بێ هەماهەنگی پێشوەختە بڕیاری دابوو لە وڵاتەکەی خۆی بمێنێتەوە بۆ وەرگرتنی چارەسەر، ئەمەش شەپۆلێکی ناڕەزایەتی و گومانی لەسەر داهاتووی دروست کردبوو.

یانەی ناپۆلی لە راگەیەندراوێکی فەرمیدا گەڕانەوەی ئەستێرە بەلجیکییەکەی پشتڕاستکردەوە و ئاماژەی بەوە کرد کە ناوبراو لە ئێستادا دەستی بە راهێنانی تاکە کەسی کردووە، تا بە تەواوی ئامادە دەبێتەوە بۆ بەشداریکردن لە یارییەکاندا.

سەرەتای تەنگژەی نێوان هەردوولا بۆ کۆتایی مانگی ئاداری ڕابردوو دەگەڕێتەوە، کاتێک یانەی ناپۆلی بەهۆی پابەندنەبوونی لوکاکۆ بە کاتە دیاریکراوەکان، هەڕەشەی دوورخستنەوەی یاریزانەکەی کردبوو.

کریستیانۆ جونیۆر پشت لە نەسڕ دەکات

کریستیانۆ جونیۆری تەمەن ١٥ ساڵ و کوڕی ئەفسانەی پورتوگالی، بڕیارێکی چارەنووسساز دەدات و دەیەوێت لە پێناو گەشەپێدانی زیاتری بەهرەکانی لە سعوودیەوە بگەڕێتەوە بۆ ئەوروپا.

هەرچەندە چاوەڕوان دەکرا وەرزی داهاتوو لەگەڵ باوکی لە تیپی یەکەمی نەسڕ یاری بکات، بەڵام ڕاپۆرتەکان ئاماژە بەوە دەکەن کە ناوبراو دەیەوێت لە ژینگەیەکی کێبڕکێی بەهێزتردا خەونی یاریکردن لە چامپیۆنزلیگ بەدی بهێنێت.

ئەم یاریزانە لاوە کە خاوەنی ئامارێکی سەرسوڕهێنەرە و لەگەڵ تیپەکانی پێشووی دەیان گۆڵی تۆمارکردووە، ئارەزووی گەڕانەوە بۆ بەریتانیا یان مەدرید دەکات. لە کاتێکدا ناوی بە یانەکانی وەک ڕیاڵ مەدرید، دۆرتمۆند و سپۆرتینگ لیشبۆنەوە دەبەسترێتەوە، خێزانەکەی لە فشارە میدیاییەکان و بەراوردکاری بەردەوامی کوڕەکەیان لەگەڵ باوکی دوودڵن.

کریستیانۆ جونیۆر بە گەڕانەوەی بۆ ئەکادیمیا گەورەکانی ئەوروپا، دەیەوێت لە دەرەوەی سێبەری باوکی بیسەلمێنێت کە دەتوانێت ببێتە یاریزانێکی پیشەگەر لە بەرزترین ئاستدا.

ئەستێرەیەکی ئەڵمانی وازهێنانی لەیاری کردن ڕاگەیاند

لە بەرنامەیەکی سۆشیاڵ میدیاییدا نیکۆڵاس سۆلێ ئەستێرەی ئەڵمانی و یاریزانی یانەی بوروسیا دۆرتمۆند ئاشکرای کرد لەکۆتایی ئەم وەرزە واز لەیاری کردن دەهێنێت،ئەمەش بەهۆی ئەو پێکانە سەخت و ناخۆشانەی دووچاری هاتوونە،کە بەتایبەت پێکانەکەی ئەژنۆ زۆری بێزاری کردوە و دەبێت واز بێهێنێت.

سۆلێ یەکێکە لەو ئەستێرە ئەڵمانیانەی خاوەن دەستکەوتێکی زۆرە لەکاروانی وەرزشی خۆی،لە 2017 هۆفنهایم جێهێشت بۆ بایرن میونخ و لەگەڵ ئەو یانە باڤاریە چامپیۆنزلیگ و خولی ئەڵمانی و جامی جیهانی یانەکانی و جامی ئەڵمانی و جامی سوپەری ئەڵمانی بەدەست هێناوە،دواتریش لەساڵی 2022 ڕوویکردە یانەی بوروسیا دۆرتمۆند.

سۆلێی تەمەن 30 ساڵ لەکاروانی یاری کردنیدا خاوەنی 22 گۆڵە و بۆ هەڵبژاردەی ئەڵمانیاش 49 یاری نێودەوڵەتی ئەنجامداوە،بەڵام بەهۆی پێکانەوە خۆری یاری کردنی بەناچاری ئاوا دەبێت.

“سەرکار ڕێبوار”

بایرن میونخ ناوبژیوان تاوانبار دەکات بەوەی هاوکاری یاریزانە پورتوگالیەکانی کردوە

دوێنێ شەو لەیاری گەڕانەوەی قۆناغی پێش کۆتایی چامپیۆنزلیگ یانەی بایرن میونخ و پایس سانجێرمان بە تاکە گۆڵێک بەرامبەر بوو،بەفەرمی یانە فەڕەنسیەکە سەرکەوتە یاری کۆتایی،بەڵام ئەوەی جێگای مشتومڕ و قسە کردنە تاکو ئێستا بڕیارەکانی ناوبژیوانە لەیاریەکەدا،کە توڕەییەکی زۆری دروست کردوە لای یانە باڤاریەکە و هەر دوای یاریەکە هێرشی توندی کرایە سەری و تاوانباریان کرد بە هاوڕێیەتی کردن و نزیکی لە یاریزانە پورتوگالیەکان.

دوای یاریەکە ماکس ئێبرڵ هێرشی کردە سەر ناوبژیوان و وتی؛ ئەو لەبەر یاریزانە پورتوگالیەکانی پاریس دژی ئێمە بوو،تەنانەت قسەی خۆشی لەگەڵ دەکردن لەیاریەکە،بەهەموو پێوەرێک دەبووایە مێندێش کارتی دووەمی زەرد وەرگرێت،بەڵام نازانم بۆچی بڕیارەکەی گۆڕا،ئەو حاڵەتەی نێڤێش پێناڵتی بوو،یان کاتێک هاری کەین ئۆفساید نییە بۆچی دەیکاتە ئۆفساید،من تێناگەم لەم شتانە،بەڵام ئەم کەسە تاوانبارە.

شایەنی باسە ئەوەی مشتومڕی زۆری لەسەرە حاڵەتی دەستەکەی نێڤێشە بەڵام بەپێی یاساکان بێت نابێتە پێناڵی،چونکە نێڤێش نزیک بووە لەشوێنی هاتنی تۆپەکە و دەرفەتی نەبووە،وە هاوڕێکەی بەمەبەستی دوورخستنەوەی لێیداوە،کە نێڤێش بەئەنقەستیش دەستی نەکردۆتەوە،بەڵام ئەمانە ناتوانن دڵی هاندەرانی یانە باڤاریەکە دامرکێننەوە.

“سەرکار ڕێبوار”

دۆناڵد ترامپ؛شەڕێکی گەورەی UFC لە کۆشکی سپی بەڕێوەدەچێت

دوای چاوەڕوانیەکی زۆری هەوادارانی MMA دۆناڵد ترامپی سەرۆکی ولایەتە یەکگرتووەکانی ئەمریکا بڕیاری بەڕێوەچوونی ئیڤێنتێکی مێژووییدا لە نێو باخچەی کۆشکی سپی ئەمریکا لە واشنتن،کە بۆ یەکەمین جارە لەمێژوودا کارێکی لەو جۆرە بکرێت.

لە کۆنگرەیەکی ڕۆژنامەوانیدا ترامپ وتی؛ سوپاسی هەمووتان دەکەم،من هەوادارێکی وەرزشیم و حەزم لەوەرزشە،ئەم پیاوانەی لە پشتی منەوە وەستاون بەهێزترین کەسن،ئێمە شەوێکی مێژوویی ڕێکدەخەین و بەهێزترین شەڕەکان ئەنجام دەدرێن،کە هەرگیز ڕووی نەداوە و هەرگیز دووبارە نابێتەوە.

ترامپ ڕێککەوتی 14ی مانگی شەشی دیاریکرد وەکو کاتی بەڕێوەچوونی ئیڤێنتەکە،کە ئەلێکس پێرێرای بەڕازیلی و لیلیاتۆ پۆریای ئیسپانی و جەستن گەیجی ئەمریکی و سیرلی گەین تاکو ئێستا بەشدارن،ڕەنگە چەند یاریزانێکی دیکەش لەو ئیڤێنتە بەشداربن.

“سەرکار ڕێبوار”

پێکانەکان ڕێگری لە بەردەوامبوونی کارڤاخال دەکەن

هەموو ئاماژەکان لەنێو یانەی ریاڵ مەدرید ئەوە دووپات دەکەنەوە کە وەرزی ئێستا دەبێتە دوا وێستگەی دانی کارڤاخال لەگەڵ یانەی شاهانە و ئەم بەرگریکارە تەمەن 34 ساڵانەیە کە گرێبەستەکەی لە کۆتایی مانگی حوزەیرانی داهاتوو تەواو دەبێت بڕیارە لە هاوینی ئەمساڵدا ماڵئاوایی یەکجاری لە سانتیاگۆ برنابیۆ بکات ئەوەش بەهۆی سیاسەتی یانەکە بەرامبەر یاریزانانی سەروو 30 ساڵ و زۆریی پێکانەکانی لەم دواییانەدا.

کارڤاخال خاوەنی مێژوویەکی زێڕین و پڕ لە دەستکەوتە لەگەڵ مێرێنگی چونکە ئەو یەکێک بوو لەو منداڵانەی لە ساڵی 2004 لەگەڵ ئەفسانە دی ستیفانۆ بەردی بناغەی شارۆچکەی وەرزشی فالدیبێباسیان دانا و دوای گەشتێکی کورت لە یانەی لیڤەرکوزن لە ساڵی 2013 گەڕایەوە بۆ مەدرید و بووە یەکێک لە پایە سەرەکییەکانی هەموو نازناوە ناوخۆیی و ئەوروپییەکانی یانەکە لە دە ساڵی رابردوودا.

ئەو پێکانە قورسانەی لە ئۆکتۆبەری 2024 و نۆڤەمبەری رابردوو تووشی بوو لەگەڵ پێکانە نوێیەکەی لە پەنجەی پێیدا کاریگەرییەکی زۆریان لەسەر ئاستی جەستەیی دانا و دڵنیایییان دا کە ئیتر کاتی ماڵئاوایی هاتووە و چاوەڕوانیش دەکرێت یاریی بەرامبەر ئەتڵەتیک بلباو لە گەڕی کۆتایی لالیگا ببێتە دوایین دەرکەوتنی ئەم ئەفسانەیە لەبەردەم هاندەران بۆ ئەوەی دوای 24 ساڵ خزمەت لە دەرگایەکی گەورەوە ماڵئاوایی لە ماڵەکەی خۆی بکات.