فلیک؛ زۆر شانازی بە تیپەکەمەوە دەکەم

فلێکی راهێنەری بەرشەلۆنە پێش یاریەکەی سێڵتا ڤیگۆ رایگەیاند، زۆر سەیری یارییەکانی ڕکابەرەکەمانم کردووە و هەمیشە رووبەرووبوونەوەیان سەختە.

هەروەها رایگەیاند زۆر شانازی بە تیپەکەمەوە دەکەم چونکە هەموو شتێکیان بەخشیوە لە پێناو یانەکە، ئێستا دەبێت سەرنجمان لەسەر لالیگا بێت، وە دەمانەوێت خولەکە بەدەستبهێنین، بەڵام هێشتا یەکلایی نەکراوەتەوە.

تیمێکی گەنجمان هەیە کرانە دەرەوەشمان لە چامپیۆنز لیگ ئازاری زۆری هەبوو، بەڵام پێویستە لە یارییەکانی داهاتوودا باشتر بین و وەرزی داهاتوو وردەکارییەکان چارەسەر بکەین و دووبارە هەوڵ بدەینەوە.

جەختیشیکردەوە، ئەزموونێکی نایابی لەگەڵ هەڵبژاردە و یانەکان هەبووە، بەڵام خێزانەکەی لە بەرشەلۆنە دڵخۆشن و خۆشی چێژ لە هەموو شتێک دەبینێت، بۆیە گرێبەستەکەی نوێدەکاتەوە.

لیستەر سیتی دووچاری وێرانیەکی مێژوویی دەبێتەوە

دوێنێ شەو یانەی لیستەر سیتی لە چامپۆنشیپی ئینگلتەرا دووچاری وێرانیەکی گەورە بوویەوە و یانەکە پێش دوو هەفتە لەکۆتایی وەرزەکە بەفەرمی دابەزیە لیگ وەنی ئینگلتەرا،کە سێیەم ڕیزبەندی ڕکابەری خولەکانی ئەو وڵاتەیە.

لیستەر ستی ساڵی 2016 توانی بە هەیبەتێکی ناوازە و شێوەیەکی دراماتیکی ببێتە پاڵەوانی ئینگلتەرا،کە ئەو کات کڵاودیۆ ڕانێری ڕاهێنەری یانەکە بوو لەگەڵ یاری کردنی جیمی ڤاردی و ڕیاز مەحرز لیستەر سیتی مێژووێکی پڕ سەروەری نووسیەوە و یەکەمین پرێمەرلیگی بردەوە،بەڵام 10 دوای ئەو ڕووداوە یانەکە دابەزیە لیگ وەنی ئینگلتەرا.

لیستەر سیتی ساڵی 2024 گەڕانەوە پرێمەرلیگ،بەڵام جارێکی دیکە شکستیان هێنا لەمانەوە و دابەزینەوە چامپیۆنشیپ،ئەمساڵیش بە قەیرانێکی گەوری ئاست تێپەڕین و لەپلەی 23ی ڕیزبەندی خولەکە دێن.

“سەرکار ڕێبوار”

لیڤەرپوڵ بڕیاری نوێ لەسەر سڵۆت دەدات

دوای ماڵئاواییکردنی لە چامپیۆنزلیگ بەردەوام باس لەوە کراوە کە یانەی لیڤەرپوڵ بەنیازن سڵۆت لە راهێنەرایەتی یانەکەیان دووربخەنەوە و چابی ئەلۆنسۆ بکەن بە شوێنگرەوەی.

لە نوێترین هەواڵ دا تۆڕی سکای سپۆرت رەتیکردەوە کە هیچ بیرۆکەیەک لەناو یانە ئینگلیزیەکەدا بوونی هەبێت کە لە کۆتایی ئەم وەرزەدا راهێنەرە هۆڵەندیەکە لە ئەرکەکەی دووربخرێتەوە.

سکای رایگەیاند بەرپرسانی یانەی لیڤەرپوڵ متمانەی تەواویان بە سڵۆت هەیە و بۆ وەرزی داهاتووش لە راهێنەرایەتی یانەکەیان دەیهڵێنەوە و دووری ناخەنەوە.

تەنانەت یانە ئینگلیزیەکە بڕیاریانداوە لە مێرکاتۆی هاوینەی ئەمساڵدا چەند گرێبەستێکی نوێ بۆ راهێنەرەکەیان بکەن لەپێناو بەهێزکردنی پێکهاتەکەیان بۆ وەرزی داهاتوو.

ڕۆناڵدۆ و کوڕەکەی بەیەکەوە یاری دەکەن

ئەمڕۆ ڕۆژنامەکانی سعودیا ئاماژەیان بە هەنگاوێکی نوێی یانەی نەسڕ کرد،ئەویش ئیمزا کردنی گرێبەستە لەگەڵ جۆنیۆری کوڕی کریستیانۆ ڕۆناڵدۆ،کە بۆ ساڵی وواهاتوو دەیانەوێت لەگەڵ باوکی بەیەکەوە لە تیپی یەکەمی یانەی نەسڕ یاری بکەن.

شایەنی باسە ئێستە جۆنیۆر تەمەنی 15 ساڵە و لەگەڵ تیپی خوار 16 ساڵانی یانەی نەسر یاری دەکات،وە هەڵبژاردەی پورتوگالیش بانگهێشت کراوە بەهۆی ئاستە بەرزەکەیەوە،یانەی نەسڕیش چاوی لەوەیە لەم هاوینەدا گرێبەستێک لەگەڵ کوڕەکەی ڕۆناڵدۆ ئیمزا بکات و بۆ وەرزی داهاتوو لەتیمی یەکەم بەیەکەوە یاری بکەن.

شایەنی باسە پێشتر ڕۆناڵدۆ ڕاگەیاند بوو یەکێک لە ئاواتەکانم ئەوەیە لەگەڵ کوڕەکەم لەیەک تیپ یاری بکەین،وە خەریکە دەگاتە ئاواتەکەی و بۆ ساڵی داهاتوو ڕەنگە بەیەکەوە لەیاریگا ببیندرێن.

“سەرکار ڕێبوار”

ئێنریکی گرێبەستەکەی نوێکردەوە

پاریس گەیشتە ڕێککەوتنێکی کۆتایی بۆ درێژکردنەوەی گرێبەستی لویس ئێنریکی ڕاهێنەری ئیسپانی یانەکە بۆ ماوەی سێ ساڵی دیکە بۆ درێژەدان بە پرۆژەکەی.

زانیارییەکان ڕۆژنامەی ئاسی ئیسپانی و پشتڕاستکردنەوەی ڕۆژنامەنووس ڕۆمان کۆلێت، ئێنریکی ئەم هەفتەیە گرێبەستە نوێیەکەی واژۆ کردووە و بەمەش تا ساڵی ٢٠٣٠ لە پۆستەکەیدا دەمێنێتەوە.

ئێنریکی وەک ڕاهێنەرێکی سەرکەوتوو لەگەڵ پاڵەوانی ئێستای ئەوروپا جێگیر بووە و چاوەڕوان دەکرێت ببێتە خاوەنی زۆرترین ژمارەی پێوانەیی لە مێژووی یانەکەدا لە ڕووی بردنەوە و مانەوە لەسەر کورسی ڕاهێنەرایەتی.

لەگەڵ نوێکردنەوەی گرێبەستی ئێنریکی کارگێڕی پاریس سان جێرمان پلانی هەیە کۆمەڵێک ڕاگەیاندنی فەرمی پێکەوە بڵاو بکاتەوە سەبارەت بە درێژکردنەوەی گرێبەستی یاریزانانی وەک فابیان ڕویز، ویلیان پاچۆ، جواو نێڤێس و ئەگەر هەبێت لوکاس بێراڵدۆش.

چێڵسی ڕاهێنەرەکەی دوورخستەوە

ئەنجامە خراپەکانی ئەم ماوەی یانەی چێڵسی ناو ماڵی یانەکەی دووچاری تەقینەوەیەکی گەورە کرد،تا ئەوەی ڕاهێنەری تیپەکە لێدوانێکی دژی یاریزانانی تیپەکەیدا و بەڕاشکاوانە وتی چیتر بەرگری لە یاریزانەکان ناکەم.

یانەی چێڵسیش ئەمڕۆ لە ڕاگەیاندراوێکدا ئاماژەیان بە دوورخستنەوەی ڕاهێنەرەکە کرد لە مەشقدانەوە تیپەکە،ئەمەش بەهۆی ئەنجامە خراپەکانی تیپەکە لەم دواییەدا.

شایەنی باسە یانەی چێڵسی 5 یاریە لەسەر یەکتری لە پرێمەلیگ شکستی هێناوە و یانەکە دووچاری قەیرانێکی گەورەی ئەنجام بووتەوە،کە ئەگەر ئاوا بڕوات ڕەنگە نەتوانێت بلیتێکی چامپیۆنزلیگ بۆ وەرزی داهاتوو بەدەست بهێنێت.

“سەرکار ڕێبوار”

ئەستێرەیەکی ئەڵمانیا لە مۆندیال بێـبەش بوو

هەڵبژاردەی ئەڵمانیا بۆ مۆندیال گورزێکی کوشندەی بەرکەوت،ئەویش دوورکەوتنەوەی سێرجی گنابری ئەستێرەی یانەی بایرن میونخ بەهۆی پێکانەوە،کە یاریزانەکە دووچاری پچڕانی ماسوولکەکانی ڕانی بۆتەوە.

گنابری لە ئەکاونتی فەرمی خۆی ڕاگەیاندراوێکی بڵاوکردەوە و وتی؛چەند ڕۆژی ڕابردووم زۆر خراپ تێپەڕاندوە سەبارەت بەخەونی یاری کردن لەمۆندیال،بەداخەوەم وەکو خەڵکی وڵاتەکەم دەبێ لە ماڵەوە پاڵپشی هەڵبژاردەکەم بکەم.

ئەم وەزە بۆ گنابری وەرزێکی ناڕەحەت تێپەڕیوە لەڕووی جەستەییەوە لەگەڵ یانەکەی،لە 25 یاری بۆندسلیگا خاوەنی 8 گۆڵ و 6 ئەسیستە.

“سەرکار ڕێبوار”

‎نرخی نەوت لە بازاڕەکانی جیهاندا دابەزی

لەگەڵ کردنەوەی بازاڕەکانی ئاسیادا، نرخەکانی نەوت جۆرێک لە سەقامگیری و دابەزینی کەمیان بەخۆوە بینی، ئەمەش دوای ئەو شەپۆلە بەرزبوونەوەیە کە لە دەسپێکی هەفتەدا تۆمارکرا.

​ئەمڕۆ سێشەممە نرخی یەک بەرمیل نەوتی برێنتی دەریای باکوور 54 سەنت دابەزی و گەیشتە 95 دۆلار و 7 سەنت، هاوکات نرخی نەوتی سووکی تەکساسی ئەمریکاش دابەزینێکی زیاتری بەخۆوە بینی و بە دابەزینی زیاتر لە یەک دۆلار، بە 86 دۆلار و 80 سەنت مامەڵەی پێوەکرا.

​ئەم پاشەکشە کاتییەی نرخەکان لە کاتێکدایە کە رۆژی دووشەممە بازاڕەکانی وزە شۆکێکی گەورەیان بەخۆوە بینی، بە جۆرێک هەردوو جۆرەکەی نەوت زیاتر لە 5٪ی نرخەکەیان چوونە سەر. ئەو بەرزبوونەوەیەش دوای تێکچوونی بارودۆخی سیاسی و سەربازی لە ناوچەکە هات، بەتایبەتی دوای دەستبەسەرداگرتنی کەشتییەکی ئێرانی لەلایەن هێزە دەریاییەکانی ئەمریکا و هەڕەشەکانی ئێران بۆ داخستنی تەنگەی هورمز کە یەکێکە لە گرینگترین رێڕەوەکانی گواستنەوەی وزە لە جیهاندا.

​چاوەڕوان دەکرێت بازاڕەکان لەژێر کاریگەریی توندی ئەم پەرەسەندنە جیۆپۆلیتیکییانەدا بمێننەوە و هەر جۆرە ئاڵۆزییەکی نوێ کاریگەریی ڕاستەوخۆی لەسەر هەڵکشان و داکشانی نرخەکان هەبێت.

ره‌شید هه‌ركی: به‌ره‌وپێچونی باش هه‌یه‌ بۆ چاره‌سه‌ری پرسی نرخی دۆلار به‌ بازرگانانی كوردستان

ئه‌ندامێكی ژووری بازرگانی و پیشه‌سازی هه‌ولێر ،ئاماژه‌ به‌وه‌ ده‌كات كه‌ به‌ره‌وپێشچونی باش هه‌یه‌ له‌گه‌ڵ حكوومه‌تی عێراق بۆ ئه‌وه‌ی بگه‌ین به‌رێككه‌وتن له‌سه‌ر پێدانی دۆلار به‌ نرخی بانكی مه‌ركه‌زی عێراق به‌ بازرگانانی كوردستان.

ره‌شید هه‌ركی، بۆ ئاژانسی زاگرۆس گوتی: “هێشتا بابه‌تی پێدانی دۆلار به‌نرخی بانكی مه‌ركه‌زی عێراق به‌ بازرگانانی كوردستان چاره‌سه‌ر نه‌بووه‌، وه‌ك ژووری بازرگانی به‌شدارین له‌ گفتووگۆكانی نێوان هه‌ولێرو به‌غدا له‌و باره‌وه‌ نزیكه‌ی %70 گه‌یشتوینه‌ته‌ رێككه‌وتن، چه‌ند خالێكی كه‌م ماوه‌.

ئه‌وه‌شی خسته‌روو: گرفتێكی دیكه‌ ماوه‌ بازرگانانی كوردستان ناتوانن كاڵا ببه‌نه‌ شاره‌كانی دیكه‌ی عێراق، ئه‌مه‌ش پێویستی به‌ گفتووگۆ و رێككه‌وتن هه‌یه‌، چونكه‌ له‌م پرسه‌دا غه‌در له‌ بازرگانانی كوردستان ده‌كرێت و له‌سه‌ر ئه‌م پرسه‌ش به‌هه‌مان شێوه‌ هه‌ماهه‌نگیمان كردووه‌، به‌ڵام نه‌گه‌یشتیون به‌رێككه‌وتن.

نرخی گەشتە ئاسمانییەکان لە ئەورووپا گران بووە

گرووپێکی نێودەوڵەتیی چاودێریی گواستنەوە دەڵێت بەهۆی جەنگی ئێرانەوە، پەککەوتنی دابینکردنی نەوتی جیهانی زیاتر لە ١٠٠ دۆلاری خستووەتە سەر نرخی گەشتە ئاسمانییە درێژخایەنەکانی ئەورووپا. گرووپی “تی ئاند ئی” ڕای گەیاند بەرزبوونەوەی نرخی سووتەمەنیی فڕۆکە، تێکڕای تێچووی بۆ هەر سەرنشینێک لە گەشتە درێژخایەنەکانی ئەورووپاوە ٨٨ یۆرۆ (١٠٤ دۆلار) و بۆ گەشتەکانی ناوخۆی ئەورووپا ٢٩ یۆرۆ زیادی کردووە. ئەم گرووپە لە ڕاپۆرتەکەیدا ڕۆژی سێشەممە ١ی گوڵان بڵاوی کردەوە، نرخی بلیتەکانی لە هەفتەی ڕابردوودا لەگەڵ نرخەکانی پێش دەستپێکردنی جەنگی ویلایەتە یەکگرتووەکانی ئەمریکا و ئیسرائیل بەرانبەر ئێران بەراورد کردووە. پەککەوتنی دابینکردنی نەوت، نیگەرانییەکانی سەبارەت بە کەمیی سووتەمەنی لە ئەورووپا لە لێواری وەرزی پشووەکانی هاویندا زیاد کردووە. بڕیارە یەکێتیی ئەورووپا ڕۆژی چوارشەممە لە چوارچێوەی پاکێجێکی پێشنیارکراودا بۆ وەڵامدانەوەی ئەم نیگەرانییانە، چەند هەنگاوێک ڕابگەیەنێت. کۆمپانیاکانی فڕۆکەوانی داوای هەڵوەشاندنەوەی هەندێک لە سیاسەتە ژینگەییەکانی یەکێتیی ئەورووپایان کردووە، لەوانە ناچارکردنی بەکارهێنانی سووتی سەوز تا ساڵی ٢٠٣٠.