کەشناسی: لەهەندێ ناوچە بارانی مامناوەند و هەورە تریشقە دەبێت

ئەمڕۆ سێشەممە 24-2-2026

کەش/ ئاسمان بە گشتی نیمچە هەورە دەبێت بۆ ئەمرۆ لە زۆربەی کاتەکان ,لە ئەنجامی کاریگەری کەشێکی ناجێگیر لە سەر ناوچەی جیا جیا پێشبینی نمە بارانی کورت خایەن و هەندێ کات لەسەر ناوچە شاخاویەکان بارانی مامناوەند و هەورە تریشقە دەبێت , ئەم گۆڕانکاریەی روو دەدات لە کەشی ناوچەکە هەندێ ناوچە دەگرێتەوە.

خێراى با / لەسەرخۆ بە گشتی (5-10) کم / کاتژمێر هەندێ کات چالاک دەبێت بۆ سەرووی (20)کم/کاتژمێر لە هەندێ ناوچەی کاریگەر بە ناجێگیری کەش

ئاراستەی با / باکووری ڕۆژهەڵات دەبێت.

مەوداى بینین / لەنێوان ( 8 – 10 ) کم دەبێت.

پلەکانی گەرما / نزم دەبێتەوە بەراورد بە پلەکانی دوێنێ .

هەولێر: 18 پلەی سیلیزی

پیرمام: 14 پلەی سیلیزی

سۆران: 16 پلەی سیلیزی

حاجی ئۆمەران: 8 پلەی سیلیزی

سلێمانی: 19 پلەی سیلیزی

چەمچەماڵ: 19 پلەی سیلیزی

دهۆک: 17 پلەی سیلیزی

زاخۆ: 18 پلەی سیلیزی

هەڵەبجە: 19 پلەی سیلیزی

گەرمیان: 21 پلەی سیلیزی

سبەى چوارشەممە 25-2-2026

کەش/ ئاسمان بە گشتی نیمچە هەور دەبێت لە زۆربەی ناوچەکەمان .

خێراى با / لەسەرخۆ (5 – 15) کم/کاتژمێر

ئاراستەی با / باکووری خۆرئاوا دەبێت.

مەوداى بینین / لەنێوان ( 8 – 10 ) کم دەبێت.

پلەکانی گەرما / نزیک دەبێتەوە هەندێ ناوچە نزم دەبێتەوە هەندێ ناوچەش کەمێک بەرز دەبێتەوە .

بەرزترین پلەکانی گەرمای پێشبینیکراو بە پلەی سیلیزی

هەولێر: 19 پلەی سیلیزی

پیرمام: 15 پلەی سیلیزی

سۆران: 16 پلەی سیلیزی

حاجی ئۆمەران: 8 پلەی سیلیزی

سلێمانی: 18 پلەی سیلیزی

چەمچەماڵ: 19 پلەی سیلیزی

دهۆک: 17 پلەی سیلیزی

زاخۆ: 18 پلەی سیلیزی

هەڵەبجە: 19 پلەی سیلیزی

گەرمیان: 22 پلەی سیلیزی

تێبینی/ ڕۆژی پێنج شەممە لە ئەنجامی هاتنی نزمە پاڵەپەستۆیەک بۆ سەر ناوچەکەمان گۆڕانکاری لە کەشی ناوچەکەمان دروست دەبێت بە باران بارین و نزم بوونەوەی پلەکانی گەرما هەروەها بەفر بارین لەسەر ناوچە شاخاویە سنووریەکان و بەرزەکان ,کاریگەری ئەم ناجێگیریە بۆ ڕۆژانی هەینی و شەممە درێژ دەبێتەوە .

24-2-2026

سەرۆکی حکومەت پڕۆژەی دووسایدی هەولێر-گۆمەسپانی كردەوە

ەمڕۆ سێشەممە 2/24، مەسرور بارزانی، سەرۆکی حکومەتی هەرێمی کوردستان، لە ڕێورەسمێکی تایبەتدا، پڕۆژەی دوو سایدی هەولێر -گۆمەسپانی كردەوە.

دوای کردنەوەی ڕێگەکە ، سەرۆكی حكومەت لە گوتەیەکدا ، دەستخۆشیی لە كۆمپانیای جێبەجێكاری پرۆژەكە ( هێمن گرووپ) كرد كە توانیویانە ئەم پرۆژە گەورەیە وەك هەمیشە لە كاتێكی پێوانەیی و بە شێوازێكی زۆر جوان و ستانداردێكی نێودەوڵەتی جێبەجێ بكەن و بیخەنە خزمەتی خەڵكی كوردستان. هاوكات باسی لەوە كرد كە پێش دروستكردنی پرۆژەكە، ڕێگەكە بۆ هاتووچۆ مەترسیدار بووە، بەڵام بەم شێوازەی كە ئێستا دروست كراوە، هاووڵاتیان دەتوانن بە كاتێكی كەمتر سەردانی ناوچە دڵخوازەكانی خۆیان بكەن، لە هەمانكاتیشدا خەڵكی دەوروبەری هەولێر دەتوانن بۆ ڕاپەڕاندنی كاروبارەكانیان سەردانی هەولێر بكەن. سەرۆکی حکومەت گوتیشی ، ئێمە زۆر دڵخۆشین و سەربەرزین كە لە هەرێمی كوردستان ئێستا كۆمپانیای وامان هەیە بتوانن پرۆژەی وا گەورە بەو ئاستە بەرزە دروست بكەن، ئینشائەڵا نموونەتان زۆر بێت. سەرۆکی حکومەت هەروەها داوای لە خەڵك کرد كە ڕێنماییەكانی هاتووچۆ لەبەرچاو بگرن و بۆ پاراستنی ژیانی خۆیان و هاووڵاتیانی تر، بە خێرایی ئۆتۆمبێل لێنەخوڕن.

دەست بە دروستكردنی بەشێکی دیکەی شەقامی 150 مەتری هەولێر دەكرێت

لە لێدوانێکدا ئەمڕۆ سێشەممە، خالید خۆشناو، سەرۆكی گرووپی كۆمپانیاكانی هێمن، ڕایگەیاند، كاركردن لە پڕۆژەی ستراتیژیی شەقامی بازنەیی 150 مەتریی هەولێر لەمساڵدا دەست پێدەكاتەوە.

گوتیشی، “ئەمساڵ دەست بە پڕۆژەی شەقامی 150 مەتری دەكەینەوە، بەهۆی ئەوەی درێژییەكەی 74 كیلۆمەترە، نازانین كەی تەواو دەبێت، بەڵام كارەكانی ئێمە خێرا بەڕێوەدەچن.”

شایەنی باسە شەقامی 150 مەتری بە یەكێك لە گەورەترین و ستراتیژیترین پڕۆژەكانی هەولێر و هەرێمی كوردستان دادەنرێت، كە چاوەڕوان دەكرێت لە كاتی تەواوبوونیدا قەرەباڵغییەكی زۆری هاتوچۆ لەسەر شەقامە سەرەكییەكانی دیكەی شارەكە كەم بكاتەوە.

ئەفسەرێکی ئافرەت بۆ یەکەمجار دەبێتە سەرۆکی دادگای هێزەکانی ئاسایشی ناوخۆ

بەڕێز رێبەر ئەحمەد، وەزیری ناوخۆ پێشوازی کرد لە عەمیدی مافپەروەر، چرا ئەحمەد لەتیف بۆ ئەوەی وەکو سەرۆکی دادگای هێزەکانی ئاسایشی ناوخۆ/ دوو بە وەکالەت دەستبەکار بێت.

لە چوارچێوەی بەرنامەکانی کابینەی نۆیەمی حکومەتی هەرێمی کوردستان بۆ بایەخدان بە ڕۆڵی ئافرەتان لەسەرکردایەتی کردندا عەمیدی مافپەروەر، چرا ئەحمەد لەتیف وەک یەکەم ئافرەت بۆ پۆستی سەرۆکی دادگای هێزەکانی ئاسایشی ناوخۆ دەستبەکار بوو.

بەڕێز جەنابی وەزیری ناوخۆ پیرۆزبایی لێکرد و هیوای سەرکەوتنی بۆ خواست.

ئەفسەرێکی ئافرەت بۆ یەکەمجار دەبێتە سەرۆکی دادگای هێزەکانی ئاسایشی ناوخۆ

ئەفسەرێکی ئافرەت بۆ یەکەمجار دەبێتە سەرۆکی دادگای هێزەکانی ئاسایشی ناوخۆ

رێبەر ئەحمەد، وەزیری ناوخۆ پێشوازی کرد لە عەمیدی مافپەروەر، چرا ئەحمەد لەتیف بۆ ئەوەی وەکو سەرۆکی دادگای هێزەکانی ئاسایشی ناوخۆ/ دوو بە وەکالەت دەستبەکار بێت.

لە چوارچێوەی بەرنامەکانی کابینەی نۆیەمی حکومەتی هەرێمی کوردستان بۆ بایەخدان بە ڕۆڵی ئافرەتان لەسەرکردایەتی کردندا عەمیدی مافپەروەر، چرا ئەحمەد لەتیف وەک یەکەم ئافرەت بۆ پۆستی سەرۆکی دادگای هێزەکانی ئاسایشی ناوخۆ دەستبەکار بوو.

وەزیری ناوخۆ پیرۆزبایی لێکرد و هیوای سەرکەوتنی بۆ خواست.

کاتێک ١٢٠ ملیار دەبێتە گرێ کوێرەى مووچەی فەرمانبەر!

حکومەتی کاربەڕێکەر هەرێمی کوردستان ڕایگەیاندووە کە تیمی تەکنیکیی وەزارەتی دارایی لیستی مووچەی شوباتی ٢٠٢٦ی کارمەندان، لەگەڵ ڕاپۆرتی پشکنینی کانوونی دووی ٢٠٢٦، بۆ بەغدا دەنێرێت بەڵام ئەم بڵاوکردنەوەیە پرسیارێکی ناڕوونى لە خۆ گرتووە : ئایا ئەم “هەنگاوەى حکومەتى کاربەڕێکەر” واتای ئەوەیە کە ١٢٠ ملیار دینار هەرێم ئێستا ئامادەیە یان دراوە؟ چونکە بەپێی ڕێکەوتنی داراییی نێوان هەولێر و بەغدا، پێش ئەوەی بەغدا مووچەکان بنێرێتەوە، هەرێم دەبێت ١٢٠ ملیار دینار داهاتی ناوەکی بگەیەنێتە وەزارەتی دارایی عێراق لە لقی هەولێری بانکی ناوەندی عێراق. هەرێم ئەم ١٢٠ ملیارەی بۆ کانوونی دووەمی ٢٠٢٦ , مووچەی مانگەکانى  ١١ و ١٢ ى ٢٠٢٥ هێشتا دابەشنەکراوە و نەدراوە.

ئەوەى دڵتەزێنە ئەوەیە کە ئەم شانۆیە تازە نییە هەمان ١٢٠ ملیار دینار بووەتە ئامرازی بارگرانی هەمیشەیی لە دوو لایەوە. لەلایەکی، بەغدا هەر جارێک مەرجی ١٢٠ ملیار دادەنێت پێش ئەوەی مووچە بنێرێت ، لەلایەکی ترەوە، هەرێم هەر جارێک دەڵێت “ئێمە بەرپرسیارییتی خۆمان جێبەجێ کردووە” و تاوانەکەی دەخاتە سەر بەغدا. لە ئەم دوو لایەوە، فەرمانبەر گیرۆیەی دەبێت کە هیچ کام بەرپرسیارییەکەی هەڵناگرن: ڕاپۆرتەکانى ڕابردوو نیشان دەدات کە بەغدا مووچەی شوباتی ٢٠٢٥ تەنها لە ١٢ی ئازاری ٢٠٢٥دا گەیاندووەتە هەرێم واتا دوای دوو هەفتە لە “پشکنینی لیست”. ئێستا کە هەرێم لیستی شوباتی ٢٠٢٦ دەنێرێت، ئەو پرۆسەی پشکنین و دواکەوتنی تێپەر دەکات، و مووچەی شوباتی ٢٠٢٦ لە مارس یا دواتر دەگاتە فەرمانبەران لە کاتێکدا هێشتا مووچەی تشرینی دووم و کانوونی یەکەمیش نەدراوە.

حکومەتی کاربەڕێکەر ئەرکی یاسایی و دەستووریی هەیە بۆ ئیدارەکردنی ڕۆژانە، نەک بۆ ڕێککەوتنی گەورەی دارایی لەگەڵ بەغدا بەڵام لە ئەم دۆخەدا، کاربەڕێکەر یان ئیشکەر هیچ جیاوازییەکی ڕاستەقینە بۆ فەرمانبەر نییە. تاکو ئەو کاتەى حکومەتێکی نوێ بە ئرادەی ڕاستەقینە و ئیرادەی سیاسی دامەزرێت و ڕێککەوتنێکی بنیادنەرانە لەگەڵ بەغدا بکات، ئەم گیرۆیە بەردەوام دەبێت. فەرمانبەر نزیکەی ١.٢ ملیۆن فەرمانبەرن ، هەموویان خێزانیان هەیە، هەموویان قەرزیان هەیە بەڵام بۆ حکومەتی کاربەڕێکەر ، ئەم “فەرمانبەرانە تەنها لیستێکن” بووەنەتە نووسینی بڵاوکراوەیەک بۆ میدیا، نەک بەڵێنێکی دڵسۆزانە بۆ فەرمانبەرێک لە چاوەڕوانى وەرگرتنى موچەکەیدایە کە دەزانێت لیستی شوباتی ئەمساڵیش، وەک هەمیشە دوادەکەوێت، لەکاتێکدا هاوڵاتیان لە مانگى ڕەمەزاندان و خۆیان ئامادەدەکەن بۆ بۆنەکانى جەژن .

ئەستێرەیەکی ڕیاڵ مەدرید لە پێکان گەڕایەوە

لەنوێترین هەواڵی یانەی ڕیاڵ مەدرید ئەمڕۆ لە ڕاهێنانەکانی یانەکە ڕۆدریگۆ گۆیسی ئەستێرەی لاوی بەڕازیلی بینراوە،کە ماوەی 17 ڕۆژە بەهۆی پێکانەوە لە یاریگاکان دابڕاوە.

بەپێی زانیاریەکان بێت ڕۆدریگۆ بەتەواوی لە پێکانەکەی چاک بۆتەوە و بۆ شەوی چوارشەممە بەرامبەر یانەی بێنفیکای پورتوگالی دەتوانێت یاری بکات.

ڕۆدریگۆ ئەم وەرزە لەگەڵ ڕیاڵ مەدرید بەهۆی هەبوونی چابی ئەڵۆنسۆوە کەم دەرکەوت و هەلی زۆری وەرنەگرت،بەڵام لەگەڵ هاتنی ئاربێلوا یاریزانەکە دەرفەتی زیاتری پێدراوە و ڕەنگە بۆ چوارشەممەش سەرەکی بێت.

“سەرکار ڕێبوار”

چەند زانیاریەک دەربارەی دێربی باکووری لەندەن

ئەمشەو لەگەڕی 27ی پرێمەلیگ یانەی ئارسێناڵ دەبێتە میوانی یانەی تۆتنهام،کە ئەم یاریە بەهێزترین یاری ئەم گەڕەی خولەکەیە و بەردەوامیدەری ڕکابەریەکی مێژوویی نێوان ئەو دوو یانەیەیە،کە لەسەر داگیرکاری باکووری شاری لەندەنە.

سەرەتای ئەم ڕکابەریە لەنێوان تۆتنهام و ئارسێناڵ دەگەڕێتەوە بۆ ئەو ساتەی ئارسێناڵ یاریگای گواستەوە بۆ هایبری،کە تەنها حەوت کیلۆمەتر لە یاریگای وایت هارتلی تۆتنهامەوە دوور بوو دوای کۆمەڵێک ڕکابەری و ململانێ ئاشتەوایی نەکەوتۆتە نێوان ئەو دوو یانەیە بردنی جۆرج گراهام و سۆڵ کامبڵ و بێنتڵی و چەندانی دیکە لەیەکتری ئەم کێشە و مشومڕانەی گەورەتر کردوە.

هاندەرانی ئارسێناڵ لەهەندێ کاتدا گوتاری سەیر سەیر بەسەر هاندەرانی تۆتنهام دەڵێن،جاروا هەیە بە زمانی ئەڵمانی قسەی ئەو سەرۆکەی ئەڵمانیا دەڵێنەوە،کە جەنگی دووەمی جیهانی هەڵگیرساند ئەمەش لەبەر ئەوەی دامەزرێنەرانی یانەی تۆتنهام جولەکە بوونە.

“سەرکار ڕێبوار”

فەرمی یاریزانێکی ریال مەدرید توشی پێکان بووە

یانەی ریاڵ مەدریدی ئیسپانی بە فەرمی لە پێگەی خۆیان بڵاویانکردەوە کە دانی سیبایۆسی ناوەڕاستکاری ئیسپانی یانەکەیان تووشی پێکانبووە لە یارییەکەیان بەرامبەر ئۆساسۆنا.

یانەی شاهانە ئاشکرایکردووە کە پێکانەکەی سیبایۆس لە ماسولکەکانی قاچی راستیدایە، ئەوەش دوای پشکنینەکان ئاشکرا بووە و بەردەوامیش چاودێری چاکبونەوەی دەکرێت.

هەرچەندە یانە ئیسپانیەکە باسی لە کاتی دوورکەوتنەوەی یاریزانەکەی نەکردووە بەڵام رۆژنامەی مارکا ئاشكرایکرد کە سیبایۆس نزیکەی حەوت هەفتە لە یاریگاکان دووردەکەوێتەوە.

ئاماژەی بەوەشداوە کە ئەو یاریزانە بەشداری لە نۆ یاریی ریاڵ مەدرید ناکات لەم وەرزەدا و بە ئەگەری زۆریشەوە لە ناوەڕاستی مانگی چواری داهاتوو لەو پێکانە چاکدەبێتەوە.

بارسێلۆنا توانی سەرکەوێت بەسەر یانەی لیڤانتی

لە یارییەکانی هەفتەی 25ی خولی ئیسپانیا بارسێلۆنا لە یاریگای خۆیدا میوانداری لیڤانتی کرد و لە تایمی یەکەم، کوڕانی خاوەن یاریگا بە تەواوی دەستیان بەسەر یارییەکەدا گرت و توانیشان دوو گۆڵ لە خولەکەکانی 4 و 32 لەڕێگای بێرناڵ و دی یۆنگەوە تۆماربکەن.

لە تایمی دووەم، دووبارە بارسێلۆنا باشتر بینرا، پاش چەندین هێرشی یەک لەدوای یەک توانیان لە خولەکی 81ی لە رێگای فێرمین لۆپێزەوە گۆڵی سێیەم بە شێوازێکی نایاب تۆماربکەن، سەرنجامیش یارییەکە بە سێ گۆڵی بێوەڵام بەبردنەوە بارسێلۆنا کۆتایی پێهات.

بەم ئەنجامەش تیپەکەی فلیک خاڵەکانیان بەرزکردەوە بۆ 61 خاڵ و بەجیاوازی خاڵێک لەپێش ریاڵ مەدرید دووەم دەبیندرێن.