عوسمان کانی کوردەیی بۆ زاگرۆس: پێمان باشە پەرلەمان کارا بکرێتەوە

ئەندامێکی خولی پێشووتری کۆمەڵی دادگەری لەپەرلەمانی کوردستان، ئاماژە بەوەدەکات کە هێشتا بریاری حزبەکەیان بایکۆتی پەرلەمانە، بەڵام لەگەڵ کاراکردنەوەن لەپێناوی بەرژەوەندی خەڵک.

عوسمان کانی کوردەیی بۆ زاگرۆس گوتی: پەرلەمان بەرهەمی دەنگدانە پەرلەمانتاریش نوێنەری خەڵکە بۆیە کاتێک دەبیتە پەرلەمانتار دەبێت ئەو سوێندەی دەیخواد یاسایی و شەرعیە کەبەرژەوەندی گەلونیشتیمانەکەی بپارێزێت، بۆیە و بۆ ئەوەی حکوومەت کارابێتەوە و پەرلەمان متمانەی پێ بدات دەبێت، پەرلەمانتاران لەقاڵبی حزبایەتی بێنەدەرەوە دەبێت لەوێ نوێنەری خەڵک بن،خزمەتکاری ئەوانەبن کە بەڵێن و متمانەیان پێداوە.

ڕاشی گەیاند: بۆئەوەی مافی خەڵک بێتەدی دەبێت پەرلەمان کارابکرێتەوە و دەبێت هەوڵبدرێت بۆ کاراکردنی پەرلەمان، و ئێمە پێویستمان بەیاساو ڕێساکانی پەرلەمان و حکوومەتێکی باشە .

ئەوەشی خستەروو: مادام پێویستمانە بەمانەهەیە و مادام ئێمە ژێر دەستەنین و گەلێکی ئازادین و لەژێر فشاری کەس نین، هەم ئەرکێکی شەرعیە هەمیش یاساییە کە پەرلەمان و حزبەکان پابەندبن بە پەیرەوی ناوخۆی پەرلەمان و کاراکردنەوەی پەرلەمان و پابەند بون بەو سوێندو یاسایەی خواردویانە.

ئیبراهیم محه‌مه‌د ئاغا: ئه‌گه‌ر سه‌رۆك وه‌زیرانی عێراق بیەوێت سه‌ركه‌وتووبێت ده‌بێت هه‌نگاوی كرداری له‌گه‌ڵ حكوومه‌تی هه‌رێم بگرێته‌به‌ر

ئه‌ندامێكی ژووری بازرگانی و پیشه‌سازی هه‌ولێر، ئاماژه‌ به‌وه‌ ده‌كات، كه‌ یه‌كێك له‌ خاڵه‌كانی سه‌ركه‌وتووتنی حكوومه‌تی نوێی عێراق ئه‌وه‌یه‌ كه‌ هه‌نگاوی جدی بنێت بۆ ئه‌وه‌ی پێكه‌وه‌ به‌هاوبه‌ش له‌گه‌ل هه‌ولێر ئه‌و گرفتانه‌ تیپه‌رێنن كه‌ هه‌یه‌ و چاوه‌روانیمان له‌حكوومه‌تی نوێ ئه‌وه‌یه‌ كه‌ ئه‌و گیروگرفتانه‌ نه‌هێلیت له‌به‌رده‌م پێشکەوتنی بازرگانی له‌ كوردستان دانراوه‌.

ئیبراهیم محه‌مه‌د ئاغا، بۆ زاگرۆس گوتی: “هه‌ر هه‌ولێك له‌لایه‌ن عێراقه‌وه‌ بگیرێته‌به‌ر بۆ ئه‌وه‌ی بازرگانی كوردستان لاوازبێت سه‌ركه‌وتوونابێت، چونكه‌ ده‌بێت عێراق سود له‌ پێشكه‌وتنی هه‌رێمی كوردستان وه‌ربگرێت، نه‌ك ببێته‌ به‌ربه‌ست له‌به‌رده‌م پێشكه‌وتنه‌كان، و له‌ماوه‌ی رابردوو عه‌قڵیه‌تێك هه‌بووه‌ ویستویه‌تی ئابووری كوردستان بخنكێنێت ئه‌م هه‌وڵه‌ دواجار لێدانه‌ له‌هه‌موو ئابووری عێراقیش، چونكه‌ هه‌رێمی كوردستان ده‌روازه‌یه‌كی گرنگه‌ بۆ هاتنی كاڵا له‌ وڵاتانی دراوسێوه‌ بۆ هه‌موو ناوچه‌كانی دیكه‌ عێراق ده‌بێت سه‌رۆك وه‌زیرانی عێراق به‌كرده‌یی هه‌نگاوبێت بۆ كۆتایی هاتنی ئه‌و كۆتوبه‌ندانه‌ی دروستكراوه‌ بۆ بازرگان و سه‌رمایه‌دارانی كووردستان.

ئه‌وه‌شی خسته‌روو: ئاشتی و ئارامی له‌ ناوچه‌كه‌ به‌تایبه‌ت له‌ هه‌رێمی كوردستان وای كردووه‌ ژماره‌یه‌كی زۆری كۆمپانیا بیانییه‌كان بێنه‌ هه‌رێمی كوردستان به‌داخه‌وه‌ جۆرێك له‌ سیاسه‌تی ئاسته‌نگ دروستكردن له‌لایه‌ن به‌غداوه‌ ده‌گیرێته‌به‌ر له‌جیاتی ئه‌وه‌ی ئه‌م جۆره‌ سیاسه‌ته‌ په‌یره‌وی بكرێت ده‌بێت هه‌وڵی گواستنه‌وه‌ی ئه‌زمونی كوردستان له‌رووی ئابووری و بازرگانییه‌وه‌ بۆ عێراق بدرێت، پێم وایه‌ سه‌رۆك وه‌زیرانی تازه‌ی عێراق له‌و روه‌وه‌ به‌رچاو روونه‌ كه‌ خۆی سه‌رسامه‌ به‌ ئیداره‌دان و ئابوور و بازرگانی كوردستان. ئه‌گه‌ر بشیه‌وێت سه‌ركه‌وتووبێت ده‌بێت وه‌ك یه‌ك تیم مامه‌ڵه‌ له‌گه‌ل هه‌رێمی كوردستان بكات.

کەشناسی: پێشبینی تاوە باران و بروسکە بۆ هەندێ ناوچە دەکات

​بەڕێوەبەرایەتی گشتی کەشناسی و بوومەلەرزەزانی هەرێم ڕایگەیاند، ئەمڕۆ پێنجشەممە 21-05-2026، ئاسمان بە گشتی نیمچە هەور دەبێت، بەڵام لە ناوچە شاخاوییە سنوورییەکان بەتایبەتی ناوچەکانی باکوور دەگۆڕێت بۆ هەوری تەواو لەگەڵ بارینی تاوە باران و بروسکە لەو ناوچانەدا، پاشان بۆ کاتەکانی ئێوارە کەشەکە سەقامگیر دەبێتەوە. پلەکانی گەرما بەراورد بە تۆمارکراوەکانی دوێنێ بە (1 بۆ 2) پلە کەمێک بەرز دەبنەوە و خێرایی با لەسەرخۆ بۆ مامناوەند دەبێت (10-20) کم/ک. ​هاوتەریب لەگەڵ ئەمە کەشی سبەی هەینی 22-05-2026، ئاسمان بە گشتی لە نێوان نیمچە هەور و پەڵە هەوردا دەبێت؛ هاوزەمان ئەگەری کەمێک نمەبارانی کەم لە ناوچە شاخاوییە سنوورییەکانی باکوور هەیە. پلەکانی گەرما نزیک دەبنەوە لە تۆمارکراوەکانی ئەمڕۆ، خێرایی با لەسەرخۆ دەبێت (5-15) کم/ک بە ئاراستەی باکووری خۆرئاوا و مەودای بینین لە نێوان (8-10) کم دەبێت. ​بەرزترین پلەکانی گەرمای پێشبینیکراو بۆ ئەمڕۆ و سبەی: ​هەولێر ئەمڕۆ 29 سبەی 28 سلێمانی ئەمڕۆ 25 سبەی 24 دهۆک ئەمڕۆ 26 سبەی 26 هەڵەبجە ئەمڕۆ 27 سبەی 28 گەرمیان ئەمڕۆ 33 سبەی 32 زاخۆ ئەمڕۆ 27 سبەی 28 چەمچەماڵ ئەمڕۆ 29 سبەی 28 پیرمام ئەمڕۆ 25 سبەی 24 حاجی ئۆمەران ئەمڕۆ 18 سبەی 18

پارێزگاری دهۆک: لە مانگی شەشدا ژمارەیەکی زۆری پارچە زەوی بە کۆمپیوتەر و بێ واستە دابەش دەکرێن

پارێزگاری دهۆک ڕایگەیاند، لە مانگی شەشی داهاتوودا، ژمارەیەکی زۆر لە پارچە زەوی بەسەر هاوڵاتیاندا دابەش دەکرێن.

پرۆسەی دابەشکردنی ئەم زەوییانە ناوچە جیاجیاکانی پارێزگاکە دەگرێتەوە و بڕیارە لە قەزا و ناحیەکانی (سێمێل، فەیدیێ، ئاکرێ، شێخان، بەردەرەش، و ئامێدی) دەست بە پرۆسەی بەخشینیان بکرێت.

د. عەلی تەتەر، ​پارێزگاری دهۆک، دڵنیایی دایە هاوڵاتیان کە پرۆسەی پشککێشان و دیاریکردنی ناوی سوودمەندبووان بە تەواوی دادپەروەرانە دەبێت، چونکە لە ڕێگەی بەرنامەیەکی تایبەتی کۆمپیوتەرییەوە ئەنجام دەدرێت.

گوتیشی، لەم پرۆسەیەدا هیچ جۆرە واستە و واستەکارییەک ڕێگەی پێ نادرێت و هەموو کەسێک بەپێی شایستەیی خۆی مافی پێدەدرێت.

مه‌حما خه‌لیل بۆ زاگرۆس: خه‌ڵكی شه‌نگال داوای كردنه‌وه‌ی باره‌گای پارتی له‌ شاره‌كه‌ ده‌كه‌ن

قائیمقامی پێشووتری شه‌نگال ئاماژه‌ به‌وه‌ ده‌كات كه‌ خه‌ڵكی شه‌نگال داواده‌كه‌ن كه‌ باره‌گای لقی پارتی بگه‌رێته‌وه‌ بۆ شاره‌كه‌ چونكه‌ پارتی ده‌بێت له‌ شه‌نگال هه‌بێت تا خزمه‌تی خه‌ڵك بكات.

مه‌حما خه‌لیل، بۆ ئاژانسی زاگرۆس، گوتی: “خه‌ڵكی شه‌نگال داوای كردنه‌وه‌ی باره‌گای لقی 17ی شه‌نگالی پارتی له‌ شاره‌كه‌ ده‌كه‌ن، ئێستا شه‌نگال وه‌ك جاران نه‌ماوه‌ خه‌ڵك داواده‌كه‌ن خزمه‌ت بكرێن بابه‌تی په‌كه‌كه‌ش وه‌ك جاران نییه‌، هێزو پۆلیس عێراق له‌ شاره‌كه‌ن ده‌بێت ئه‌وان به‌رپرسیاری ئه‌منیه‌تی باره‌گاكان بپارێزن.

ئه‌وه‌شی خسته‌روو: له‌ %70ی قوربانی و شه‌هیدی شه‌نگال له‌ناو ریزه‌كانی پارتین و خه‌ڵكی شه‌نگال پێیان وایه‌ ده‌بێت ده‌ستی ئاوه‌دانی و خزمه‌تی پارتی بگاته‌وه‌ بۆ شاره‌كه‌ بۆیه‌ چاوه‌رانین به‌زووترین كات باره‌گای پارتی بگه‌رێته‌وه‌ بۆ شاره‌كه‌.

ئه‌مه‌ له‌ كاتێدایه‌ له‌دوای 16ی ئۆكۆتبه‌ری 2017 پارتی دیموكراتی كوردستان باره‌گاكانی له‌ شاره‌كه‌ كشاندوه‌ته‌وه‌ به‌هۆی دۆخی جه‌نگ .

ئاکرێ؛ زیاتر لە هەزار پارچە زەوی بەسەر فەرمانبەراندا دابەش کرا ​

​ئەمڕۆ لە قەزای ئاکرێ، لە پرۆسەیەکی فەرمیدا هەزار و 32 پارچە زەوی بەسەر فەرمانبەرانی شایستەی فەرمانگە جیاجیاکانی دەڤەرەکەدا دابەش کرا.

​هاوکات، لیستی تەواوی ناوی ئەو فەرمانبەرانەی کە لەم قۆناغەدا ناویان لە تیروپشکەکەدا دەرچووە و بوونەتە خاوەن زەوی، بە فەرمی ڕاگەیەندرا.

هه‌زاران فه‌رمانبه‌ری دیكه‌ زه‌ویان به‌سه‌ردا دابه‌شكرا

سێ هەزار و 500 فەرمانبەری دیكەی ناو سەنتەری شاری هەولێر ناویان لە تیروپشكی زەوی دەرچوو.

ئه‌مڕۆ پێنجشه‌ممه‌ 21ی ئایاری 2026 به‌ ئاماده‌بوونی ساسان عه‌ونی، وه‌زیری شاره‌وانیی و گه‌شتوگوزار و ئومێد خۆشناو، پارێزگاری هه‌ولێر و سه‌رۆكی شاره‌وانیی هه‌ولێر و به‌ڕێوه‌به‌ری نه‌خشه‌دانانی ئاوه‌دانیی هه‌ولێر تیروپشكی دابه‌شكردنی زه‌وی بۆ قۆناغی حه‌وته‌م كرا.

له‌م قۆناغه‌دا زیاتر له‌ 6 هه‌زار 500 پارچه‌ زه‌وییه، له‌م ژماره‌یه‌دا 3 هه‌زار و 500 پارچه‌ زه‌وییان له‌ جه‌ژنیكان به‌سه‌ر فه‌رمانبه‌راندا دابه‌ش ده‌كرێن و 3 هه‌زاره‌كه‌ی دیكه‌شیان بۆ قه‌ره‌بووكردنه‌وه‌ی خاوه‌ن مافه‌كان ئاماده‌ كراون‌.

كلیك لێره‌ بكه‌ بۆ بینینی ناوه‌كان.

ئاکام عرفان بۆ ئاژانسی هەوالی زاگرۆس: لە هەولێر “ماراسۆنی یەکگرتن” بۆ هەمووان بەڕێوەدەچێت

یەکێتی قوتابیان و لاوانی دیموکراتی کوردستان، ماراسۆنێکی ٣ کیلۆمەتری لە شاری هەولێر ڕێکدەخات. سکرتێری یەکێتییەکەش ڕایدەگەیەنێت، ماراسۆنەکە بۆ هەموو تەمەن و چین و توێژەکانە و ئامانج لێی بڵاوکردنەوەی گیانی وەرزشی و یەکگرتووییە.

ئاکام عرفان، کارگێری مەکتەبی سکرتاریەتی یەکێتی قوتابیان و لاوانی دیموکراتی کوردستان، لە لێدوانێکی تایبەتدا بە ئاژنسی هەوالی زاگرۆسی ڕاگەیاند: “وەک بەشی چالاکی وەرزشی مەکتەبی سکرتاریەتی یەکێتییەکەمان، بڕیارمانداوە ڕۆژی هەینی، ١٥ی ئایاری ٢٠٢٦، ماراسۆنێکی گەورە لەژێر ناوی (ماراسۆنی یەکگرتن) لە شاری هەولێر ساز بکەین.”

سەبارەت بە وردەکاری و کاتی دەستپێکردنی ماراسۆنەکە، ئاکام فەهمی گوتی: “ماراسۆنەکە کاژێر ٩:٣٠ی بەیانی دەستپێدەکات. خاڵی دەستپێکمان پارکی سامی عەبدولڕەحمان دەبێت لە لای دەرگای هۆتێل دیڤان، و خاڵی کۆتایی و هێڵی گەیشتنیش هەر لە ناو پارکی سامی عەبدولڕەحمان دەبێت لە بەرامبەر دەرگای پەرلەمان.”

کارگێری مەکتەبی سکرتاریەتی یەکێتی قوتابیان و لاوانی دیموکراتی کوردستان جەختی لەوەش کردەوە کە هیچ سنوورێک بۆ بەشداریکردن نییە و گوتی: “ئەم چالاکییە تەنیا بۆ توێژێکی تایبەت نییە، بەڵکو هاتن بۆ هەموو تەمەنەکان و هەموو چین و توێژە جیاوازەکانە، چونکە دەمانەوێت هەمووان پێکەوە لە کەشێکی وەرزشیدا کۆبینەوە.”

لە کۆتایی لێدوانەکەیدا، شڤان مەحمود ئاماژەی بەوە کرد کە ئارەزوومەندان دەتوانن لە ئێستاوە بۆ ناونووسین و دەستکەوتنی زانیاری زیاتر، پەیوەندی بە ژمارە تەلەفۆنی (٠٧٥٠٥١٠٧١١٤) بکەن.

بۆچوونی ڕێکخەرانی ماراسۆنەکە:

ناوی چالاکی: ماراسۆنی یەکگرتن

ماوە: ٣ کیلۆمەتر

کات: هەینی، ١٥ـی ئایاری ٢٠٢٦، کاژێر ٩:٣٠ی بەیانی

شوێن: پارکی سامی عەبدولڕەحمان (لە دەرگای دیڤان بۆ دەرگای پەرلەمان)

نرخی زێڕ لە بەرزبوونەوە بەردەوامە و گەیشتە ئاستێکی نوێ

​ئەمڕۆ، بازاڕەکانی زێڕ گۆڕانکاریی نوێیان بەخۆوە بینی و نرخەکان بەراورد بە دوێنێ ڕوویان لە بەرزبوونەوە کرد، ئەمەش هاوتەریبە لەگەڵ هەڵکشانی نرخی کانزا گرانبەهاکانی دیکە، کە لەژێر کاریگەری گۆڕانکارییە ئابوورییە جیهانییەکاندا نرخەکانیان گۆڕانکاری بەسەردا هاتووە.

​لە بازاڕە جیهانییەکاندا نرخی یەک کیلۆگرام زێڕ گەیشتە 151,155.45 دۆلار، هەروەها نرخی هەر ئۆنسەیەک زێڕ بۆ 4,701.46 دۆلار بەرزبووەتەوە، لە کاتێکدا نرخی یەک گرام زێڕ بە 151.16 دۆلار مامەڵەی پێوە دەکرێت.

​ئەم بەرزبوونەوەیە ، پەیوەستە بە دابەزینی بەهای دۆلاری ئەمریکی و زیادبوونی خواست لەسەر کانزا گرانبەهاکان وەک پەناگەیەکی سەلامەت، هاوکات ناسەقامگیرییە جیۆسیاسییەکان و کاریگەرییەکانی هەڵاوسان وایکردووە وەبەرهێنەران زیاتر ڕوو لە کڕینی زێڕ بکەن، ئەمەش بووەتە هۆی بەرزبوونەوەی نرخەکانیان لە بازاڕە جیهانییەکاندا.

​لە بازاڕەکانی ناوخۆشدا و بەپێی نرخی فەرمی سەندیکای زێڕنگران، نرخی عەیارەکان بەم شێوەیە جێگیر بوون؛ عەیار 22 بە 1,046,758 دینار مامەڵەی پێوە دەکرێت، عەیار 21 بە 999,179 دینارە و عەیار 18 بە 856,439 دینار لە بازاڕەکاندا مامەڵەی پێوە دەکرێت.

​نرخی نەوت لە بازاڕەکانی جیهاندا بەردەوامە لە بەرزبوونەوە

​ئەمڕۆ، لەگەڵ بەردەوامیی مامەڵەکان لە بازاڕەکانی وزەدا، نرخی نەوت ئاراستەیەکی تری بەرزبوونەوەی تۆمار کرد و نرخەکان ئاستێکی نوێیان لە چوارچێوەی مامەڵەکانی ئەمڕۆدا بەدەستهێنا.

​بەپێی دواین نوێکردنەوەکانی بازاڕ، نرخی هەر بەرمیلێک نەوتی خاوی برێنت گەیشتووەتە 106.3 دۆلار، کە بەراورد بە ئامارەکانی پێشوو نزیکەی یەک دۆلار بەرزبووەتەوە. هاوکات، نرخی هەر بەرمیلێک نەوتی خاوی سووکی تەکساسی ئەمریکیش ڕووی لە بەرزبوونەوە کرد و گەیشتە 100.8 دۆلار، کە بەراورد بە کاتی پێشوو زیاتر لە یەک دۆلار بەهای زیاد کردووە.

​ئەم هەڵکشانەی نرخەکان ڕاستەوخۆ پەیوەستە بە نیگەرانییەکان لەبارەی سنووردارکردنی هاتوچۆ لە گەرووی هورمز، کە بە یەکێک لە گرنگترین ڕێڕەوەکانی وزە لە جیهاندا دادەنرێت. دروستبوونی هەر ئاستەنگێک لەو ناوچەیەدا مەترسی جیدی لەسەر گەیشتنی نەوت بە بازاڕەکان دروست دەکات.

هاوکات دانوستاندنە سیاسییەکانی نێوان ئەمریکا و ئێران و دەرەنجامەکانی کاریگەرییەکی بەرچاویان لەسەر ئاراستەی بازاڕ هەیە و وەبەرهێنەران بە وریاییەوە چاودێری هەر پێشهاتێکی نوێ دەکەن کە پەیوەست بێت بە سەقامگیریی دارایی جیهانی و دابینکردنی وزە.