نرخی ئۆنسەیەک زیو ئاستی 87 دۆلاری تێپەراند

ئەمڕۆ 23-2- 2026 روژی دووشەممە نرخی یەک ئۆنسە زیو لە بازاڕەکاندا بۆ زیاتر لە 3 دۆلار بەرزبووەوە و ئاستی 87 دۆلاری تێپەڕاند.

هۆکاری بەرزبوونەوەی نرخی زیو بۆ زیادبوونی خواست لەسەر ئەو کانزا گرانبەهایە دەگەڕێتەوە دوای ئەوەی سەرۆکی ئەمریکا ، بڕیاریدا پێناسی گومرکی لەسەر وڵاتانی جیهان بەڕێژەی 15٪ بەرزبکاتەوە.

دادگەی باڵای ئەمریکا پێناسە گومرکییەکانی دۆناڵد ترەمپی هەڵوەشاندووەتەوە، بەڵام ئیدارەی سەرۆکی ئەمریکا بڕیاری نوێی دەکرد و کۆڵ نادات لە دانانی بەربەست لەبەردەم هاوردەکردنی کاڵا و شتومەک بۆ نێوخۆی ئەو وڵاتە.

لەدوای بڕیاری دادگەی باڵا، بەرپرسی کاروباری بازرگانیی یەکێتیی ئەورووپا رایگەیاند، بە دوای ئەوەیە کە پەسندکردنی کۆتایی رێککەوتنی بازرگانیی نێوان یەکێتییەکە و ئەمریکا هەڵپەسێرێت. هەروەها هیندستان رێککەوتنە بازرگانییەکەی لەگەڵ ئەمریکا دواخستووە.

کۆی ئەو ناڕوونییانەی کە سەبارەت بە کاروباری بازرگانی لەگەڵ ئەمریکا دروستبووە، زیانی لە نرخی دۆلار داوە و خواستی بۆ کانزاکان لە نێویاندا زیو وەک پەناگەیەکی ئارام بەرزکردووەتەوە.

راگەیندراوێک لە وەزارەتی دارایی و ئابووری

وەزارەتی دارایی و ئابووری رایگەیاند ، لیستی مووچەی مانگی شوبات و ڕاپۆرتی تەرازوی پێداچوونەوە ڕەوانەی بەغداد دەکرێت .

ئێوارەی ڕۆژی دووشەممە ( ٢٣ ی شوباتی ٢٠٢٦) لیستی مووچەی مانگی شوباتی فەرمانبەران و مووچەخۆرانی هەرێمی کوردستان و ڕاپۆرتی تەرازووی پێداچوونەوەی مانگی کانوونی دووەم لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕەوانەی بەغداد دەکرێت و سبەی سێ شەممە ڕادەستی فەرمانگەی ژمێریاری وەزارەتی دارایی حکومەتی فیدراڵ دەکرێت.

تێبینی؛ هەندێک زانیاری و هەواڵی نادروست لە سەر لیستی مووچەو ڕاپۆرتی تەرازووی پێداچوونەوە بڵاوکراوەتەوە هیچ بنەمایەکیان نییەو تێکڕایان ناڕاستن.

ڕاگەیاندنی وەزارەتی دارایی و ئابووری. ٢٣ ی شوباتی ٢٠٢٦

کەشناسی : پلەکانی گەرما کەمێک بەرز دەبێتەوە

ئەمڕۆ یەکشەممە 22-2-2026

کەش / ئاسمان پەڵە هەور و نیمچە هەور دەبێت , لە ناوچە شاخاوییە سنوورییەکانی باکور و باکوری ڕۆژ هەڵات هەندێ کات هەوری تەواو دەبێت لەگەڵ بارینی کەمێک نمە باران .

خێراى با / لەسەرخۆ-مامناوەند ( 10– 20) کم/ک.

ئاراستەی با / باشوورى ڕۆژهەڵات

مەوداى بینین / (9 – 10)کم دەبێت

پلەکانی گەرما / کەمێک بەرز دەبێتەوە بەراورد بە دوێنێ

هەولێر : 24پلەی سیلیزی

پیرمام : 20 پلەی سیلیزی

سۆران : 20 پلەی سیلیزی

حاجی ئۆمەران : 15 پلەی سیلیزی

سلێمانی : 23 پلەی سیلیزی

چەمچەماڵ : 24 پلەی سیلیزی

هەڵەبجە : 22پلەی سیلیزی

دهۆک : 24 پلەی سیلیزی

زاخۆ : 25 پلەی سیلیزی

ئاکرێ : 23پلەی سیلیزی.

سبەى دووشەممە 22-2-2026

کەش/ ئاسمان لە نێوان پەڵە هەور ونیمچە هەور دەبێت ، لە ناوچە شاخاوییەکان و شاخاوییە سنورییەکانی باکوری ڕۆژهەڵات هەندێ کات هەوری تەواو دەبێت لەگەڵ بارینی نمە باران.

خێراى با / لەسەرخۆ-مامناوەند ( 20 –10 ) کم/ک .

ئاراستەی با / باشوورى ڕۆژهەڵات

پلەکانی گەرما/ نزم دەبێتەوە بە (1-2 ) پلە بەراوورد بە تۆمارکراوەکانی ئەمرۆ

مەوداى بینین / 8– 9 کم.

بەرزترین پلەکانی گەرمای پێشبینیکراو بە پلەی سیلیزی

هەولێر : 22پلەی سیلیزی

پیرمام : 18 پلەی سیلیزی

سۆران : 18 پلەی سیلیزی

حاجی ئۆمەران : 13پلەی سیلیزی

سلێمانی : 21 پلەی سیلیزی

چەمچەماڵ: 22 پلەی سیلیزی

هەڵەبجە : 20پلەی سیلیزی

دهۆک : 22 پلەی سیلیزی

زاخۆ: 23 پلەی سیلیزی

ئاکرێ: 21 پلەی سیلیزی.

22 -2 – 2026

ڕاگەیەندراوێک لە وەزارەتی ناوخۆی هەرێمی کوردستانەوە

ئەمڕۆ چەند لایەنێک، ڕاگەیاندراوێکیان بڵاوکردەوە کە تێیدا هەڕەشەیان لە وڵاتێکی دراوسێ کردووە ، لەم ڕووەوە ، بە پێویستی دەزانین دووپاتی بکەینەوە کە هەرێمی کوردستان وەک هەمیشە فاکتەری سەقامگیریی و ئارامی بووە لە ناوچەکەدا و هیچ کاتێک سەرچاوەی هەڕەشە و مەترسیی نەبووە بۆ ئاسایشی هیچ وڵاتێکی دراوسێ و ڕێگەش نادات، هیچ لایەنێک، هەرێمی کوردستان لە دژی هیچ وڵاتێکی دراوسێ بەکار بهێنێت .

وەزارەتی ناوخۆی حکومەتی هەرێمی کوردستان 2026/2/22

کەشناسی : لەهەندێ ناوچە تاوە باران و بروسکە دەبێت

ئەمڕۆ دووشەممە 23-2- 2026

کەش /ئاسمان نیمچە هەور دەبێت لەناوچەکانی رۆژهەڵاتی هەرێم( پارێزگای سلێمانی ) هەوری تەواو دەبێت لەگەڵ ئەگەری کەمێک نمە باران لەهەندێک ناوچەکانی سنووری رۆژهەڵات.

خێراى با / لەسەرخۆ ( 5 – 15) دەبێت.

ئاراستەی با / باکووری خۆرئاوا .

مەوداى بینین / لە نێوان ( 8 – 10 ) کم دەبێت.

پلەکانی گەرما / بەرزترین پلەکانی گەرما بەگشتی نزم دەبێتەوە بە ( 2- 4 ) پلە بەراوورد بە تۆمارکراوەکانی دوێنێ وەک لە خوارەوە ئاماژەیان پێدراوە.

بەرزترین پلەکانی گەرمای پێشبینیکراو بۆ ئەمرۆ:

هەولێر 20 پلەی سیلیزی

پیرمام 17 پلەی سیلیزی

سۆران 16 پلەی سیلیزی

حاجی ئۆمەران 12 پلەی سیلیزی

سلێمانی 19 پلەی سیلیزی

چەمچەماڵ 20 پلەی سیلیزی

دهۆک 17 پلەی سیلیزی

زاخۆ 18 پلەی سیلیزی

هەڵەبجە : 19 پلەی سیلیزی

گەرمیان : 22 پلەی سیلیزی

سبەى سێشەممە 24-2- 2026

کەش/ لەئەنجامی کاریگەریەکانی نزمە پەستانی نیمچە دوورگەری عەرەبی وە هەروەها بارستەهەوای ساردی باکوور, ئاسمان هەرێم بەگشتی ناسەقامگیر دەبێت وە هەوری تەواو دەبێت لەگەڵ بارینی نمە بارانی جیاجیا وە کەمێک بەفر بارین لەناوچە شاخاوییە سنووریەکانی باکووری رۆژهەلات, بۆ کاتەکانی دوایی نیوەرۆ تاکوو ئێوارە کاریگەری ناسەقامگیری کەش چالاک تر دەبێت رێژەی دابارین کەمێک زیاتر دەبێت کەهەندی کات بە بەشێوەی تاوە باران و بروسکە دەبێت بەتایبەتی سنووری ناوچەکانی ( پارێزگای سلێمانی ,هەڵەبجە,ئیدارەی سەربەخۆکانی گەرمیان , راپەرین و سۆران) لەگەڵ کەمێک چاڵاک بوونی خێرایی با وە نزم بوونەوەی پلەکانی گەرما پاشان بۆ کاتەکانی شەو کەش سەقامگیر دەبێتەوە.

خێراى با / لەسەرخۆ – مام ناوەند ( 10 – 20 ). لەکاتەکانی بەیانی تاکوو دوایی نیوەرۆ ئەگەری چاڵاک بوونی هەیە بۆ سەرووی 25 کم/ک بەتایبەتی لەناوچەکانی باشووری رۆژئاوای هەرێم.

ئاراستەی با / باکووری خۆرئاوا.

مەوداى بینین / لەنێوان ( 6 – 8 ) کم/ک. لەکات و شوێنی دابارین لەنێوان (4 – 6 ) کم دەبێت.

پلەکانی گەرما / بەرزترین پلەکانی گەرما بەگشتی کەمێک نزم دەبێتەوە بە ( 2 – 3 ) پلە لە تۆمارکراوەکانی ئەمڕۆ وەک لە خوارەوە ئاماژەیان پێدراوە.

بەرزترین پلەکانی گەرمای پێشبینیکراو بە پلەی سیلیزی

هەولێر : 17 پلەی سیلیزی

پیرمام: 15 پلەی سیلیزی

سۆران: 14 پلەی سیلیزی

حاجی ئۆمەران: 10 پلەی سیلیزی

سلێمانی: 15 پلەی سیلیزی

چەمچەماڵ: 20 پلەی سیلیزی

دهۆک: 14 پلەی سیلیزی

زاخۆ: 15 پلەی سیلیزی

هەڵەبجە : 15 پلەی سیلیزی

گەرمیان : 21 پلەی سیلیزی.

23/2/2026

ڕوونکردنەوە لەبارەی بەشەخۆراکی مانگی ڕەمەزان دەدرێ

بەرپرسێکی وەزارەتی بازرگانی و پیشەسازیی حكوومەتی هەرێمی كوردستان دابەشکردنی بەشەخۆڕاکی تازە ڕادەگەیەنێت و دەڵێت: “هیچ بەشەخۆراکێکی تایبەت بە مانگی ڕەمەزانمان لە بەغداوە بۆ نەهاتووە.”

نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان، ڕایگەیاند: “دەست بە دابەشکردنی بەشەخۆراکی یەکەمی ئەمساڵ کراوە و لە ڕێگەی بریکارەکانەوە بەشەخۆراک دەگاتە هەموو هاووڵاتیان.”

ساڵانی پێشوو هەندێک مادەی خۆراک تایبەت بە مانگی ڕەمەزان دابەش دەکران، لەمبارەیەوە نەوزاد شێخ کامیل جەختی کردەوە: “تاوەکوو ئێستا هیچ بەشەخۆراکێکی تایبەت بە مانگی ڕەمەزانمان لە بەغداوە بۆم نەهاتووە، بۆیە مادەکانی خۆراک هاوشێوەی ساڵی ڕابردوون.”

ئەمڕۆ دووشەممە 23ی شوبات، بەڕێوەبەرایەتیی بازرگانی و خۆراکی سلێمانی بڵاوی کردەوە، بەشەخۆراکی سەبەتەی یەکەم بە داتای مانگی یەکی 2026، لەم مادانە پێکهاتووە:

1- برنج سێ کیلۆگرام

2- شەکر یەک کیلۆگرام

3- زەیت یەک لیتر

4- نیسک 500 گرام

5- لەتکەنۆک (بەزالیا) 500 گرام

6- دۆشاوی تەماتە 400 گرام

ئاماژەی بەوەش داوە: “بریکارەکانی ناو شار و دەرەوەی شار ئاگادار دەکەینەوە، لە کاتی دابەشکردنی خۆراکی مانگانەدا ڕەچاوی مادەکان بکەن، هەر مادەیەک دەرکەوت خراپە و بە کەڵکی خواردن نایەت، بەسەر هاووڵاتییاندا دابەشی نەکەن، بەڵکوو کۆمپانیای خۆراکی لێ ئاگادار بکەنەوە تاوەكوو بۆیان بگۆڕین.”

سەرۆکی هەرێمی کوردستان سەرەخۆشی لە خانەوادەی ویداد ئەرسەلان دەکات

بۆ کۆچی دواییی خوالێخۆشبوو ویداد ئەرسەلان، وەزیری پێشووترى حکوومەتی هەرێمی کوردستان، پرسە و سەرەخۆشیی قووڵمان ئاراستەی خانەوادە و کەسوکارە بەڕێزەکەیان دەکەین و هاوبەشی خەمیانین.

لە خوای مەزن داواکارین گیانی خوالێخۆشبوو بە بەزەیی و میهرەبانیی خۆی شاد بکات و سەبووری و دڵنەوایی بە هەمووان ببەخشێت.

نێچیرڤان بارزانی سەرۆکی هەرێمی کوردستان 2026/2/23

ئه‌ندامێكی سه‌ركردایه‌تی پارتی بۆ زاگرۆس: حزبانێک هەن بازرگانی بەکورسی و دەنگی خەڵکەوەدەکەن

ئه‌ندامێكی سه‌ركردایه‌تی پارتی دیموكراتی كوردستان، باس له‌ پێكهێنانی حكوومه‌تی هه‌رێمی كوردستان ده‌كات و نیگه‌رانه‌ له‌وه‌ی كه‌ نه‌توانراوه‌ تائێستا كابینه‌ی ده‌یه‌م پێكبهینرێت.

دیاری حوسێن، بۆ ئاژانسی زاگرۆس گوتی: “به‌داخه‌وه‌ بۆ دواكه‌وتنی پێكهێنانی حكوومه‌تی هه‌رێم، ره‌نگه‌ حزبانێك هه‌بن بازرگانی بكه‌ن به‌ ده‌نگدان و ئه‌نجامی ده‌نگدان و كورسیه‌كانیانه‌وه‌ بۆیه‌ ده‌یانه‌وێت، خۆیان نمایش بكه‌ن و خۆیان فه‌رز بكه‌ن چاوه‌رانی ئه‌وه‌ین بزانین ده‌رئه‌نجامی گفتووگۆكان ده‌گه‌نه‌ كوێ”.

ئه‌وه‌شی خسته‌روو: ئه‌وان وه‌ك پارتی پابه‌ندن به‌هه‌موو بریارێكی سه‌رۆك بارزانییه‌وه‌ له‌باره‌ی داهاتووی پێكهێنانی حكوومه‌ت.

سڵۆت بەتوندی وەڵامی وەین ڕۆنی دەداتەوە

لەدوای ئەوەی وەین ڕۆنی ئەستێرەی ئینگلیزی و یاریزانی پێشووی مان یونایتد لە لێدوانێکیدا بۆ وت بووی؛ئارن سڵۆت ئەو زیرەکیەی نییە تاکو بکرێتە ڕاهێنەری لیڤەرپوڵ،پێموایە ئەم وەرزە ناتوانێت لیڤەرپوڵ سەر بخاتە چامپیۆنزلیگ،ئەو ناتوانێت شوێنی یۆرگن کڵۆپ بگرێتەوە.

لە وەڵامی ئەم قسانەدا ئارن سڵۆتی ڕاهێنەری لیڤەرپوڵ بەتوندی قسەی خۆی کرد و وتی؛تاکە خاڵی هاوبەشی نێوان من و کڵۆپ ئەوەیە هەردووکمان خاوەنی پرێمەلیگین وە ئەمەش شتێکی سەیر نییە،کە دەتوانی زیرەکیەکی زیاتری پێوەرگری.

لەبەردەوامی قسەکانیدا سڵۆت وتی؛من ڕێزی لێدەگرم ئەمە ڕای خودی خۆیەتی ڕۆنی،هەموو کەسێک مافی خۆیەتی جیاوازی بکات بەڵام ڕاستیمان بوێت دەبێت بە دادپەروەرانە نییە چونکە هەموومان وەک یەکتری نین.

“سەرکار ڕێبوار”

فیفا یاسەیەکی نوێ دەردەکات

دوای ئەوەی لە یارییەکەی نێوان هەردوو یانەی ریاڵ مەدرید و بەنفیکا لە پلەی ئۆفی چامپیۆنز لیگ جیانلوکا پرێستیانی بە درێسەکەی بەری دەمی داپۆشی و وشەی رەگەزپەرستی بەرامبەر ڤینیسیۆس جۆنیۆر بەکارهێنا ئەو بابەتە کاردانەوەی زۆری بەدوای خۆیدا هێنا و لێکۆڵینەوە لەگەڵ ئەو یاریزانە دەستیپێکردووە.

لە نوێترین پێشهاتدا، یەکێتی تۆپی پێی جیهان بە نیازە یاسایەکی نوێ دەربکات و بیکاتە بواری جێبەجێکردنەوە کە بە یاسای پرێستیانی ناسراوەو لە نزیکترین کاتدا خاڵەکانی ئاشکرا دەکات.

بە پێی ئەو یاسایە بێت هەر یاریزانێک لە یاریگادا بە درێس یان دەستی هەوڵی داپۆشینی دەمی بدات لە کاتی قسە کردندا ئەوا بە دڵنیاییەوە سزای بۆ دیاری دەکرێت تا سەرجەم یاریزانەکان بەدوور بن لە وشەی ناشرین یان رەگەزپەرستی.

هەر یاریزانێک ئەو هەڵسوکەوتە بکات دواتر لێکۆڵینەوەی لەگەڵدا دەکرێت و بە دڵنیاییەوە سزا دەدرێت بۆ راگرتنی بە چەند یارییەک لەگەڵ پێبژاردنی دارایی لەلایەن یەکێتی تۆپی پێی جیهانەوە.