بەرشەلۆنە ئامادەیە دەستبەرداری ئەستێرەکەی ببێت

ڕاپۆرتە وەرزشییەکانی ئیسپانیا ئاشکرای دەکەن کە داهاتووی فێران تۆرێس، هێرشبەری یانەی بەرشەلۆنە، لەگەڵ یانەکەی گەیشتووەتە بنبەست و ئەگەری زۆرە لە هاوینی داهاتوودا ڕیزەکانی ئەو یانەیە جێبهێڵێت.

بەپێی هەواڵێکی تۆڕی “فیچاجێس” ، کارگێڕی یانەی بەرشەلۆنە بەهۆی قەیرانی دارایی و بۆ هاوسەنگکردنی بودجەی یانەکە، ناچارە گوێ لەو ئۆفەرانە بگرێت کە بۆ کڕینی تۆرێس پێشکەش دەکرێن.

یانەکە دەیەوێت لە ڕێگەی فرۆشتنی ئەم یاریزانەوە، هەم داهاتێکی باش بەدەستبهێنێت و هەمیش بارگرانی مووچە لەسەر شانی کەم بکاتەوە.

کێبڕکێی یانە گەورەکان بۆ گواستنەوەی تۆرێس:

توانا بەرزەکانی ئەم هێرشبەرە و شارەزایی لە یاریکردن لە چەندین پێگەی جیاوازدا، وایکردووە ببێتە ئامانجی سەرەکی

چەند یانەیەکی ئەوروپی:

• لە پرێمەرلیگ: هەردوو یانەی نیوکاسڵ یونایتد و ئەستۆن ڤێلا دەیانەوێت سوود لە ئەزموونی پێشووی تۆرێس لە خولی ئینگلیزی وەربگرن و بیگوازنەوە ڕیزەکانیان.

• لە خولی ئیتاڵی: یانەی ئەی سی میلان چاوی لە گواستنەوەی تۆرێسە بۆ ئەوەی هێڵی هێرشبەری خۆی بۆ وەرزی داهاتوو تۆکمەتر بکات.

سەرەڕای ئەوەی فێران تۆرێس چەندین جار ئارەزووی خۆی بۆ مانەوە لە یاریگای کامپ نو دەربڕیوە، بەڵام پێویستییە داراییەکانی بەرشەلۆنە بۆ ئەنجامدانی گرێبەستی نوێ، وایکردووە ڕۆیشتنی ئەم یاریزانە لە هەموو کاتێک نزیکتر بێت.

پێرێز؛من وازناهێنم لە پۆستی سەرۆکایەتی ڕیاڵ مەدرید

لە کۆنگرەی ڕۆژنامەوانی فلۆرێنتـیـنۆ پێرێزی سەرۆکی یانەی ڕیاڵ مەدرید کۆمەڵێک وشە و قسە کرا لە چاوەڕوانی هەندێک کەس نەبوون،لەوانە دووپات کردنەوە پێرێز لەمانەوەی وەکو سەرۆکی ڕیاڵ مەدرید،کە پێرێز ڕاشکاوانە قسەی کرد و وتی؛وازناهێنم لەپۆستی سەرۆکایەتی ڕیاڵ مەدرید،بەڵکو داوای هەڵبژاردن دەکەم.

شایەنی باسە پێرێز زیاتر دوا و وتی؛من ئامادەم بۆ هەڵبژادنەکانی سەرۆکایەتی ڕیاڵ مەدرید خۆم کاندید بکەمەوە و هەر کەسێکیش دەیەوێت خۆی کاندید بکات دەرگا کراوەیە،من دەمەوێت ئەم بارودۆخە بگۆڕین،چونکە ئێمە پێشتر ئێمە ئەم دۆخانەمان تێپەڕاندوە.

ئەم وەرزەی ڕیاڵ مەدرید باش نییە و یانەکە بەبێ نازناو دەچێتە هاوینەوە،کە ئەمەش ڕەخنەیەکی زۆری دووچاری کارگێڕی مێرێنگی کرد و بەشێک داوا دەکەن پێرێز دەست لەکار بکێشێتەوە،بەڵام ئەو قسانەی پێرێز هەموو شتێکی یەکلایی کردەوە.

“سەرکار ڕێبوار”

یەکێتی تۆپی پێی فەڵەستین سوپاسی یەماڵ دەکات

لە ئاهەنگی بوونە پاڵەوانی بارسێلۆنا چەند ڕووداوێکی دیار ڕوویاندا،لەوانە جگەرەکەی چێزنی و گاڵتە سەیر وسەمەرەکانی یاریزانانی بارسێلۆنا،بەڵام یەکێکی دیکە لەوانە هەڵکردنی ئاڵای وڵاتی فەڵەستین بوو لەلایەن لامین یەماڵی ئەستێرەی یانە کەتەلۆنیەکە،کە لە گرتە ڤیدیۆیەک دەردەکەوێت یاریزانەکە ئاڵای فەڵەستین لە هاندەرێک وەردەگرێت و بەرزی دەکاتەوە.

لەسەر ئەم بابەتەش ئەمڕۆ یەکێتی تۆپی پێی فەڵەستین لە پلاتفۆرمی خۆیان بەزمانی ئیسپانی بڵاویان کردەوە و لەسەریان نووسی”لە فەڵەستینەوە سوپاس یەماڵ”،کە ئەمەش وەکو سوپاس و پێزانینێک بوو بۆ ئەو کارەی ئەستێرەکەی بلوگرانا.

لای خۆشیەوە هانزی فلیکی ڕاهێنەری یانەی بارسێلۆنا ڕایگەیاند؛ من ئەم کارانەم لەلا پەسەند نییە،قسەم لەگەڵ لامین کردوە،بەڵام ئەوە ڕای شەخسی خۆیەتی،دەمەوێت وەکو گەورەیەک ڕەفتار بکات.

“سەرکار ڕێبوار”

بایرن میونخ گرێبەستی ئەستێرەیەکی نوێکردەوە

ڕۆژنامەنووسی بەناوبانگ فلۆریان پلێتنبێرگ ئەمڕۆ ئاشکرای کرد یانەی بایرن میونخ لەگەڵ مانوێل نۆیەری گۆڵپارێزی ئەفسانەیی یانەکە گەیشتۆتە ڕێککەوتنی کۆتایی هەردوو لایەن ڕازین لەسەر ئەوەی گرێبەستەکەی نۆیەر بۆ وەرزێکی دیکە نوێبکرێتەوە.

شایەنی بەسە نۆیەر ئەم وەرزە ئاستێکی خەیاڵی پێشکەش کردوە،سەرەڕای هەڵکشانی تەمەنی،کە 40 ساڵی تێپەڕاندوە،بەڵام ئاست بەرزی و نایابی گۆڵپارێزە بایرنی ناچار کردوە بیر لەوە بکاتەوە وەرزێکی دیکەش گۆڵپارێزەکە بخاتەوە خانەی گۆڵی یانەکە،کە ئەم هاوینە گرێبەستەکەی کۆتایی دێت.

نۆیەر ساڵی 2011 لە شاڵکێ ڕوویکرده بایرن میونخ و لەگەڵ ئەو یانەی توانیویەتی دوو چامپیۆنزلیگ و 13 بۆندسلیگا و جامی جیهانی یانەکان بەدەست بهێنێت.

“سەرکار ڕێبوار”

مانچستەر سیتی گورزێکی کوشندە لە ڕیاڵ مەدرید دەدات

ماتیۆ مۆریتۆی ڕۆژنامەنووسی وەرزشی ناسراو لە نوێترین هەواڵیدا ئاشکرای کردووە کە یانەی مانچستەر سیتی زۆر نزیکبووەتەوە لە هێشتنەوەی یەکێک لە دیارترین ئەستێرەکانی و بەم هەنگاوەشی پلانەکانی فلۆرێنتینۆ پێرێزی سەرۆکی یانەی ڕیاڵ مەدرید تێکدەدات و تووشی شۆکیان دەکات.

بەگوێرەی زانیارییەکانی ئەم ڕۆژنامەنووسە، ڕۆدری ئەستێرەی هێڵی ناوەندی ئیسپانی ڕەزامەندی لەسەر ئۆفەرە نوێیەکەی مانچستەر سیتی دەربڕیوە و لە ئێستادا تەنها هەنگاوێکی کەم ماوە بۆ واژۆکردنی گرێبەستە نوێیەکەی، ئەمەش دوای ئەوە دێت کە لە چەند هەفتەی ڕابردوودا کۆبوونەوە چڕەکان لە نێوان یاریزانەکە و بەرپرسانی یانە ئینگلیزییەکە بەردەوام بووە و پڕۆسەی ڕاگەیاندنی فەرمی ڕێککەوتنەکەش خێراتر کراوە.

ئەم بڕیارەی ڕۆدری دەبێتە هۆی بێهیواکردنی بەرپرسانی ڕیاڵ مەدرید، چونکە یانە شاهانەکە گواستنەوەی ئەم یاریزانەی کردبووە ئامانجی سەرەکی بۆ بەهێزکردنی ڕیزەکانی، بەڵام سستیم و خێرایی مانچستەر سیتی لە نوێکردنەوەی گرێبەستەکە ڕێگەی لێگرتن، بەتایبەت کە ڕیاڵ مەدرید تا ئێستا هیچ ئۆفەرێکی فەرمی پێشکەش نەکردبوو.

جێی وەبیرهێنانەوەیە کە ڕۆدری لە ساڵی 2019وە پەیوەندی بە ڕیزەکانی مانچستەر سیتییەوە کردووە و لەو ماوەیەدا توانیویەتی لە 296 یاری دا بەشداری بکات، هەروەها سەرکردایەتی یانەکەی کردووە بۆ بەدەستهێنانی 13 نازناوی جۆراوجۆر کە گرنگترینیان نازناوی خولی پاڵەوانەکانی ئەوروپایە.

کانسێلۆ و خەونی گەڕانەوە

جواو کانسێلۆی بەرگریکاری پورتوگالی هەستی خۆی بە بێهیواییەکی گەورە لە یانەی هیلالی سعوودی نیشان دەدات و خواستی خۆی بۆ گەڕانەوە بۆ یانەی بەرشەلۆنە ئاشکرا دەکات.

ئەم یاریزانە ڕایگەیاندووە کە بەرپرسانی یانە سعوودییەکە لە کاتی واژۆکردنی گرێبەستەکەدا لەگەڵیدا ڕاستگۆ نەبوون و بەڵێنەکانیان سەبارەت بە تۆمارکردنی ناوی لە لیستی ناوخۆییدا جێبەجێ نەکردووە کانسێلۆ جەختی لەوە کردووەتەوە کە ڕاستگۆیی لە هەموو شتێک بۆ ئەو گرنگترە و ئەم بارودۆخەش وایکردووە بیر لە جێهێشتنی ڕیاز بکاتەوە.

سەرەڕای ئەوەی گرێبەستەکەی تا ساڵی ٢٠٢٧ بەردەوامە لە لایەکی دیکەوە یانەی بەرشەلۆنە بە وردی چاودێری دۆخەکە دەکات و چاوەڕوانی چەند ڕۆژی داهاتوو دەکات تا بڕیاری کۆتایی لەسەر داهاتووی ئەم یاریزانە بدرێت و دواتر دەست بە دانوستان لەگەڵ بەرپرسانی هیلال بکات بۆ گواستنەوەی ئەو بەرگریکارە پورتوگالییە.

دواین پێشهاتەکانی بازاڕی گواستنەوە لە خولە گەورەکانی ئەوروپا

یانەی مانچستەر یونایتد هەوڵەکانی بۆ بەهێزکردنی هێڵی ناوەندی چڕکردووەتەوە و چاوی بڕیوەتە گواستنەوەی فێدێریکۆ ڤاڵڤێردی لە ڕیاڵ مەدرید و ئێدێرسۆن لە ئەتڵانتا و ماتیۆس فێرناندێز لە وێستهام یونایتد .

لە کاتێکدا مایکل کاریک زۆر نزیکە ببێتە ڕاهێنەری هەمیشەیی یانەکە و یانەی پاریس سان جێرمانیش جولیان ئەلڤارێزی کردووەتە ئامانجی سەرەکی بۆ هێڵی هێرشبەری وەرزی داهاتوو.

لە بازاڕی ڕاهێنەراندا یانەی چێڵسی گفتوگۆی لەگەڵ چابی ئەلۆنسۆ و ئەندۆنی ایراۆلا و مارکۆ سیلڤا دەستپێکردووە و ئەگەری هەیە مارکۆ سیلڤا پۆستی ڕاهێنەرایەتی نۆتینگھام فۆڕێست وەربگرێت.

سەبارەت بە چارەنووسی یاریزانەکان ڕۆبەرت لیڤاندۆڤسکی لە نێوان مانەوە لە بارسێلۆنا و چوونی بۆ یانەی پۆرتۆ دایە و بێن وایت چاوەڕێی گەرەنتییە لە ئارسیناڵ بۆ ئەوەی نەچێتە ئێڤەرتۆن و پێدەچێت یوری تیلیمانس لە ئەستۆن ڤێلا بڕوات.

بەڵام جارۆد بۆوین بڕیاریداوە لە وێستهام بمێنێتەوە تەنانەت ئەگەر یانەکە دابەزێت بۆ خولی پلە یەک و یانەی چێڵسییش هەوڵی گواستنەوەی جاکۆبۆ ڕامۆن دەدات دوای ئەوەی ڕیاڵ مەدرید دوودڵ بوو لە کڕینەوەی.

فلیک؛ قسەکانی پێرێز شایەنی وەڵامدانەوە نین

دوای دۆڕانەکەی دوێنێ شەویان بەرامبەر دیپۆرتیڤۆ ئالاڤێس،هانزی فلیک لە لێدوانێکدا بۆ میدیاکان باسی قسەکانی پێرێزی سەرۆکی ڕیاڵ مەدریدی کرد،کە گوتبووی؛بارسێلۆنا بەهاوکاری ناوبژیوان توانیویەتی سوودێکی زۆر ببینێت بۆ بەدەست هێنانی لالیگا.

دەربارەی ئەم قسەیە فلیک وتی؛ئەم قسانە شایەنی وەڵامدانەوە نین،ئێمە ئەمڕۆ دەمانتوانی یاریەکە ببەینەوە بەڵام لەدەستدانی ئەو هەلە زۆر وایکرد یاریەکە لەدەست بدەین،ئەو گۆڵە لێمان تۆمار کرا تەنها لەسەر نەمانی بیری یاریزانەکان بوو لەیاریەکە،کە دەبووایە باشتر بیریان بخەنە سەر یاریەکە.

شایەنی باسە ئەم وەڵامی فلیک بۆ پێرێز دەبێتە بەشێکی دیکە شەڕە میدیاییەکانی نێوان بارسێلۆنا و ڕیاڵ مەدرید،کە ئەم ساڵ کێشەکان گەیشتوونەتە لووتکە.

“سەرکار ڕێبوار

ئاکام عرفان بۆ ئاژانسی هەوالی زاگرۆس: لە هەولێر “ماراسۆنی یەکگرتن” بۆ هەمووان بەڕێوەدەچێت

یەکێتی قوتابیان و لاوانی دیموکراتی کوردستان، ماراسۆنێکی ٣ کیلۆمەتری لە شاری هەولێر ڕێکدەخات. سکرتێری یەکێتییەکەش ڕایدەگەیەنێت، ماراسۆنەکە بۆ هەموو تەمەن و چین و توێژەکانە و ئامانج لێی بڵاوکردنەوەی گیانی وەرزشی و یەکگرتووییە.

ئاکام عرفان، کارگێری مەکتەبی سکرتاریەتی یەکێتی قوتابیان و لاوانی دیموکراتی کوردستان، لە لێدوانێکی تایبەتدا بە ئاژنسی هەوالی زاگرۆسی ڕاگەیاند: “وەک بەشی چالاکی وەرزشی مەکتەبی سکرتاریەتی یەکێتییەکەمان، بڕیارمانداوە ڕۆژی هەینی، ١٥ی ئایاری ٢٠٢٦، ماراسۆنێکی گەورە لەژێر ناوی (ماراسۆنی یەکگرتن) لە شاری هەولێر ساز بکەین.”

سەبارەت بە وردەکاری و کاتی دەستپێکردنی ماراسۆنەکە، ئاکام فەهمی گوتی: “ماراسۆنەکە کاژێر ٩:٣٠ی بەیانی دەستپێدەکات. خاڵی دەستپێکمان پارکی سامی عەبدولڕەحمان دەبێت لە لای دەرگای هۆتێل دیڤان، و خاڵی کۆتایی و هێڵی گەیشتنیش هەر لە ناو پارکی سامی عەبدولڕەحمان دەبێت لە بەرامبەر دەرگای پەرلەمان.”

کارگێری مەکتەبی سکرتاریەتی یەکێتی قوتابیان و لاوانی دیموکراتی کوردستان جەختی لەوەش کردەوە کە هیچ سنوورێک بۆ بەشداریکردن نییە و گوتی: “ئەم چالاکییە تەنیا بۆ توێژێکی تایبەت نییە، بەڵکو هاتن بۆ هەموو تەمەنەکان و هەموو چین و توێژە جیاوازەکانە، چونکە دەمانەوێت هەمووان پێکەوە لە کەشێکی وەرزشیدا کۆبینەوە.”

لە کۆتایی لێدوانەکەیدا، شڤان مەحمود ئاماژەی بەوە کرد کە ئارەزوومەندان دەتوانن لە ئێستاوە بۆ ناونووسین و دەستکەوتنی زانیاری زیاتر، پەیوەندی بە ژمارە تەلەفۆنی (٠٧٥٠٥١٠٧١١٤) بکەن.

بۆچوونی ڕێکخەرانی ماراسۆنەکە:

ناوی چالاکی: ماراسۆنی یەکگرتن

ماوە: ٣ کیلۆمەتر

کات: هەینی، ١٥ـی ئایاری ٢٠٢٦، کاژێر ٩:٣٠ی بەیانی

شوێن: پارکی سامی عەبدولڕەحمان (لە دەرگای دیڤان بۆ دەرگای پەرلەمان)

هەڵبژاردنی سەرۆکایەتی ڕیاڵ مەدرید ڕاگەیاندرا

بەفەرمی ئەمڕۆ هەڵبژاردنی پۆستی سەرۆکایەتی و کارگێڕی ڕیاڵ مەدرید ڕاگەیاندرا،کە لە ڕێککەوتی 14 تاکو 23ی ئەم مانگە بەربژێرەکان مافیان هەیە ناوی خۆیان تۆمار بکەن بۆ ئەم پڕۆسەیە و بەچەند یاسا و ڕێسایەکیش کارەکان بەڕێوەدەچن.

یاساکان لەکۆمەڵێک خاڵ خۆیان دەبیننەوە،کە جگە لە کاندیدەکان ئەو ئەندامانەی دیاری کراون مافی تانەدانیان هەیە لە بەربژێرەکان،وە ئەندامان دەتوانن لەڕێگەی پۆستەوە دەنگ بدەن،جگە لەوەش ڕۆژ و شوێنی دەنگدانەکە بەپێی ژمارەی کاندیدەکان دیاری دەکرێت.

ئەم هەڵبژاردە بۆ ڕیاڵ مەدرید وەکو ساتێکی نوێ بوونەوە دەکەوێتە بەر چاوەکان،کە یانەکە دوو ساڵی ڕابردوو قەیرانێکی قورسی بەخۆیەوە بینیوە و ئەم وەرزە لە خراپترین وەرزی 16 ساڵی ڕابردوو بووە یانەکە پێیدا تێپەڕ بووە.

“سەرکار ڕێبوار