ڕۆژی شەممە 21ی شوباتی 2026 لە پیرمام سەرۆک مەسعود بارزانی پێشوازی لە شاندێکی باڵای حزبی دەعوەی عێراقی کرد.
لە دیدارەکەدا بیروڕا لەبارەی بارودۆخی سیاسیی عێراق و دوایین پێشهاتەکانی ناوچەکە ئاڵوگۆڕ کرا. هەروەها جەخت لە پەیوەندی و هەماهەنگیی نێوان لایەنەکان بۆ تێپەڕاندنی گرفت و ئالنگارییەکان کرایەوە.
ئەمرۆ پێنجشەممە رێکەوتی 19.2.2026 بە ئامادەبوونی ئومێد خۆشناو پارێزگاری هەولێرو د. عبدالحكیم خەسرۆ، سەرۆكی فەرمانگەی هەماهەنگی و بەدواداچوون و سەرۆکی دەستەی پاراستنی ژینگەی هەرێمی کوردستان بەوەکالەت و هێمن قادر جێگری پارێزگار، كۆبوونهوهیهك تایبهت به لێژنەی پاراستن و رێكخستنی ژینگەی ههولێر له دیوانی پارێزگا بهرێوهچوو.
پارێزگاری ههولێر، باسی له بایهخ و گرنگی پێكهێنانی ئهو لێژنهیهی كرد، كه دهتوانێ وهكو بابهتێكی ههمیشهیی بهردهوام بریاری یهكلایی كهرهوه له پێناو بهرژهوهندی گشتی هاوڵاتیان بدات و رێوشوێنی یاسایی دهرههق ههر كارێكی نایاسایی وهربگرێت. هاوكات وهك باكگراوندی ئهو كارانهی له ههولێر ههنگاوی كردارهكی بۆ نراوه، ئاماژهی به كاریگهری و خاڵه ئهرێنیهكانی پرۆژهی رووناكی دا، واته پاكبوونهوهی ژینگه و كوالێتیی ههوای شاری ههولێر، كه یهكێك له هۆكارهكانی پیسبوون و تێكچوونی كوالێتیی ههوای شاری ههولێر، بوونی ژمارهیهكی زۆری موهلیدهی كارهبا ئههلیهكان بوو، كه به نموونه تاكیدی لهسهر راپۆرتی دوو رێكخراوی ژینگه پارێزی جیهانیدا، كه پێچهوانهی پێشتر، ههولێریان له لیستی نهرێنی ژینگهیی دهرهێنابوو. ههروهها ئاماژهی به پشتێنهی سهوزایی ههولێر وهكو بهشێك له ماستهرپلانی پهسهندكراوی ههولێر كرد، كه رهنگدانهوهی زۆر ئهرێنی بهسهر شاری ههولێر دهبێت وهك بهربهستێكی سروشتیی ژینگهیی گرنگ كار دهكات، كه ههوای ههڵگری پیسكهر و تۆز بۆ ناو شار كهم دهكهنهوه، دووپاتیشی كردهوه كه پڕۆژهكه به پشتگیریی ڕاستهوخۆی رێزدار مهسروور بارزانی سهرۆكی حكومهت، جێبهجێ دهكرێت. پارێزگاری ههولێر، داوای له سهرجهم لایهنه بهشدابووهكانی كۆبوونهوهكه كرد، كه بابهتی ژینگه پارێزی وهكو بابهتێكی ئاینی و مۆڕالی گشتی مامهلهی لهگهڵدا بكهن چونكه راستهوخۆ پهیوهسته به تهندورستی ههر تاكێك له ئێمه. دواتر د. عبدالحكیم خەسرۆ، سەرۆكی فەرمانگەی هەماهەنگی و بەدواداچوون و سەرۆکی دەستەی پاراستنی ژینگەی هەرێمی کوردستان بەوەکالەت، رایگهیاند كهوا لێژنەی پاراستن و رێكخستنی ژینگەی ههولێر، بهسهرپهرشتی خودی پارێزگار دهبێت، هاوكات پهنجهی خسته سهر كۆمهڵێك خاڵی ئهرێنی و نهرێنی دامودهزگا پهیوهندارهكانهوهو تاكیدی لهسهر ئهركی ئهو لیژنهیه كردهوه كه رێكخستنهوهی بریارو رێنماییه ژینگهییهكانی حكومهتی ههرێمی كوردستانه. پێویسته بهجیدی ئیجرائات دهرههق به كهموكوڕی پرسه ژینگهیهكان وهربگێرێ و بریارهكان وهك خۆیان جێبهجێ بكرێن. ئهوهشی دووپات كردهوه كهوا دهستهی ژینگهی ههولێر یهكێكه له باشترین دامودهزگاكانی ههرێم و لهمهو دواش رۆڵی بهرچاوی دهبێت، ئهو كارهش تهنها به ههماههنگی ههموو لایهك دهستهبهر دهبێت .
پارێزگاری ههولێر، لهسهر وتهكانی سەرۆکی دەستەی پاراستنی ژینگەی هەرێمی کوردستان بەوەکالەت، روونكردنهوهی پێویستی به نمونهو بهڵگهی دیار خسته روو، جهختی كردهوه، كه پێویسته له پێناو بهرژهوهندی گشتی هاوڵاتیان، به رووكهشی تیماری كێشهكان بكرێ . لهلایهن ئامادهبووانهوه سهرنج و تێبینی لهسهر ههندێك خاڵی پهیوهندار ئاڵوگۆر كران و بەپێی داتا ژینگەیهكان به پێویست زانرا ههنگاوی كردارهكی بنرێ و بە دواداچوون و پشکنین بۆ پرۆژەكان بكرێ و سزا و پێبژاردن بۆ ههر كهم و كوڕیهك وهربگیرێ . له كۆبوونهوهكهدا كۆمهلێك بریار له پێناو پاقژی ژینگه وهرگیران بهتایبهت ئهو خاڵانهی تایبهتن به پاڵاوگه نایاساییهكان و كارگهی قیرو كارگهی ههڵمی خهبات و گۆرینی رهگهزی زهوی سهوزایی. له كۆتاییدا به داتاشۆ راپۆرتێكی تێرو تهسهل دهربارهی داتا ژینگهیهكانی شاری ههولێرو ئهو گۆرانكاریانهی به دی هاتوون له بابهتی پاقژی ژینگهو پرسی تهندورستی و مهسهلهی زبل و خاشاك و برگه پهیوهندارهكانی دیكه خرانه روو.
شایهنی باسه لە كۆبوونەوەكەدا ژمارەیەک ڕاوێژكار و سهرۆكی شارهوانی و بهرێوهبهرە گشتیەکان و نوێنەری وەزارەتەکان و لایەنە پەیوەندارەکان نئامادە بوون .
دوای ڕووداوەکانی شەوی ڕابردووی یاری نێوان بێنفیکا و ڕیاڵ مەدرید ئەمرۆ مانشێتی ڕۆژنامەکان بوو بەو ڕووداوە،کە لە یاریەکەدا ڕووبەرڕوو بوونەوە بینرا لەنێوان ڤینسیۆس و هاندەران و یاریزانانی بێنفیکا،ئەمە جگە لە ڕەگەزپەرستی بەرامبەر ڤینسیۆس،کە زیاتر ئاگرەکەی خۆش کرد.
بەپێی ڕاپۆرتی سکای سپۆرت بێت دوای تۆمار کردنی گۆڵە ناوازەکەی ڤینسیۆس،پریستیانی لێی نزیک بۆتەوە و بەدرێسەکەی دەمی داپۆشیوە و شتێکی پێگوتووە،کە ئەمە ئاڵۆزیەکی تەواوی دروست کرد و ڤینسیۆس لای ناوبژیوان سکاڵای کرد پریستیانی پێی گوتووە مەیموون.
دوای یارییەکەش لە لێدوانێکیدا ئەلێکساندەر ئارنۆڵدی یاریزانی یانەی ڕیاڵ مەدرید گوتی؛ بەڕاستی ئەمە شەرمەزاری و ئابڕوو چوونێکی زۆر گەورەیە،کە بەرامبەر ڤینی کرا.
ئەوەی جێگای سەرنجە لەم کاردانەوەکانی ئەم ڕووداوانە تەنها چەند ڕۆژنامەیەکی ئەرجەنتینی و پورتوگالی نەبێت دەنا بەشێکی زۆر میدیا جیهان و ڕۆژنامەکان لەم بابەتە حەق دەدەنە ڤینسیۆس لەبەرامبەر ئەو کێشە و مشتومڕەی دووچاری کرایەوە.
“سەرکار ڕێبوار”
پەرلەمانی یەکێتیی ئەوروپا قەرزێکی بە بڕی ١٠٧ ملیار دۆلار بۆ ئۆکرانیا پەسەند کرد کە بەپێی بڕیارەکە بۆ ماوەی دوو ساڵ زۆربەی پێداویستییەکانی بودجە و سەربازیی ئەو وڵاتە پڕ دەکاتەوە.
دوای هەڵگیرسانی شەڕ، بەهۆی زیادبوونی خەرجییەکانی بەرگری، کورتهێنانی بودجەی ساڵانەی ئۆکرانیا نزیکەی ٢٠٪ بەرزبووەتەوە و ئەمەش کیێڤی ناچار کردووە زیاتر پشت بە قەرزی دەرەکی ببەستێت.
سەرکردەکانی یەکێتیی ئەوروپا لە ١٩ی دیسەمبەری ٢٠٢٥ لەسەر ئەم قەرزە ڕێککەوتن و پەرلەمانیش لە ١١ فەبریوەریی ٢٠٢٦ پەسەندی کرد. بەپێی پلان، بڕیارە پارەکە لە مانگی نیسانی ئەمساڵ بگاتە کیێڤ.
بەپێی هەڵسەنگاندنە داراییەکان، ئەگەر ئۆکرانیا لە هاوپەیمانەکانی قەرز وەرنەگرێت، لە ناوەڕاستی ئەمساڵ دەتوانێت ڕووبەڕووی کەمبوونی پارەی کاش ببێتەوە. ئەم قەرزە وەک هەنگاوێکی سەرەکی بۆ چارەسەرکردنی ئەم کێشەیە لە ساڵانی ٢٠٢٦ و ٢٠٢٧ دادەنرێت.
نرخى نەوت لە بازاڕەکانی جیهاندا بەردەوام لە گۆڕاندایە و بەراورد بە دوێنێ هەریەکە لە نەوتی خاوى برێنت و تەکساسی ئەمەریکیش نرخەکانیان بەرزبونەوەیان تۆمارکردوە.
ئەمڕۆ پێنجشەممە لەدوای کردنەوەی بازاڕەکانی ئاسیا نرخی نەوت بەرزبونەوەیان تۆمارکردوە و هەر بەرمیلێک نەوتی خاوی برێنت (Brent) لە بازاڕەکانی جیهاندا بە 69.60$ سەنت مامەڵەی پێوە دەکرێت، بەراورد بە دوێنێ 57 سەنت لە نرخەکەی بەرزبووەوە.
هاوكات، نرخی بەرمیلێک نەوتی رۆژئاوای تێكساسیش (WTI) بەرزبوونەوەی بەخۆیەوە بینی کە بە 64.85$ سەنت لە بازاڕەکاندا مامەڵەی پێوە دەکرێت، بەراورد بە دوێنێ 69 سەنت لە نرخەکەی بەرزبووەوە.
نووسینگەی سەرۆکوەزیرانی هەرێمی کوردستان ئاماری نوێی بەکارهێنانی سیستەمی “ئی پسوولە”ی ئاشکرا کرد و ڕایگەیاند، لە ماوەیەکی پێوانەییدا دەیان هەزار هاوبەشی کارەبا سوودیان لەم خزمەتگوزارییە وەرگرتووە.
عەزیز ئەحمەد، جێگری بەڕێوەبەری نووسینگەی سەرۆکی حکوومەتی هەرێمی کوردستان، لە پەیامێکدا لە تۆڕی کۆمەڵایەتیی ‘ئێکس’ (تویتەری پێشوو) بڵاویکردەوە، لەدوای ئەوەی ڕۆژی 10ی ئەم مانگە مەسرور بارزانی، سەرۆکی حکوومەتی هەرێمی کوردستان پڕۆژەی “ئی پسوولە”ی بۆ پارەدانی ئەلیکترۆنی ڕاگەیاند، پێشوازییەکی بەرچاو لە سیستەمەکە کراوە.
عەزیز ئەحمەد ئاماژەی بەوەشداوە کە تەنها لەو ماوە کورتەدا، 25 هەزار وەسڵی کارەبا لە ڕێگەی “ئی پسوولە”وە پارەکەیان دراوە، ئەمەش نیشانەی سەرکەوتنی پڕۆسەی بەدیجیتاڵکردنی خزمەتگوزارییە گشتییەکانە.
جێگری بەڕێوەبەری نووسینگەی سەرۆکوەزیران ڕوونیشی کردەوە، حکوومەتی هەرێم وەک دەستپێشخەرییەک و بۆ هاندانی هاووڵاتییان، بڕیاری داوە بە ڕێژەی 20% داشکاندن بۆ ئەو هاوبەشانەی کارەبا بکات کە لە ڕێگەی “ئی پسوولە”وە پارەکانیان دەدەن.
سیستەمی “ئی پسوولە” هەنگاوێکی نوێی حکوومەتی هەرێمی کوردستانە بۆ بەئەلیکترۆنیکردنی پارەدانی خزمەتگوزارییە گشتییەکان، کە لە ڕێگەی ئەو بانکانەوە ئەنجام دەدرێت کە لەلایەن بانکی ناوەندیی عێراقەوە مۆڵەتی فەرمییان پێ دراوە.
نرخى نەوت لە بازاڕەکانی جیهاندا بەردەوام لە گۆڕاندایە و بەراورد بە دوێنێ هەریەکە لە نەوتی خاوى برێنت و تەکساسی ئەمەریکیش نرخەکانیان کەمێک بەرزبونەوەیان تۆمارکردوە.
ئەمڕۆ یەکشەممە لەدوای کردنەوەی بازاڕەکانی ئاسیا نرخی نەوت بەرزبونەوەیان تۆمارکردوە و هەر بەرمیلێک نەوتی خاوی برێنت (Brent) لە بازاڕەکانی جیهاندا بە 67.75$ سەنت مامەڵەی پێوە دەکرێت، بەراورد بە دوێنێ 10 سەنت لە نرخەکەی بەرزبووەوە.
هاوكات، نرخی بەرمیلێک نەوتی رۆژئاوای تێكساسیش (WTI) بەرزبوونەوەی بەخۆیەوە بینی کە بە 62.95$ سەنت لە بازاڕەکاندا مامەڵەی پێوە دەکرێت، بەراورد بە دوێنێ 6 سەنت لە نرخەکەی بەرزبووەوە.
وەزارەتی دارایی و ئابووری لە ڕاگەیەندراوێکدا رایگەیاند، سەبارەت بەو فەرمانبەرانەی تا ئێستا خۆیان لە پرۆژەی هەژماری من تۆمار نەکردووە، یاخوود ئەو فەرمانبەرانەی کە خۆیان تۆمار کردووەو ئاگادارکراون کە کارتەکانیان وەربگرنەوە، بەڵام تا ئێستا کارتەکانیان وەرنەگرتۆتەوە.
نرخى نەوت لە بازاڕەکانی جیهاندا بەردەوام لە گۆڕاندایە و بەراورد بە دوێنێ هەریەکە لە نەوتی خاوى برێنت و تەکساسی ئەمەریکیش نرخەکانیان کەمێک گۆڕانکاریان بەسەرداهاتوە.
ئەمڕۆ دووشەممە لەدوای کردنەوەی بازاڕەکانی ئاسیا نرخی نەوت بەرزبونەوەیەکی کەمی تۆمارکردوە و هەر بەرمیلێک نەوتی خاوی برێنت (Brent) لە بازاڕەکانی جیهاندا بە 67.80$ سەنت مامەڵەی پێوە دەکرێت، بەراورد بە دوێنێ بەیانی 5 سەنت لە نرخەکەی بەرزبووەوە.
هاوكات، نرخی بەرمیلێک نەوتی رۆژئاوای تێكساسیش (WTI) کەمێک دابەزینی بەخۆیەوە بینی کە بە 62.90$ سەنت لە بازاڕەکاندا مامەڵەی پێوە دەکرێت، بەراورد بە دوێنێ بەیانی 5 سەنت لە نرخەکەی دابەزیوە.
نرخى نەوت لە بازاڕەکانی جیهاندا بەردەوام لە گۆڕاندایە و بەراورد بە دوێنێ هەریەکە لە نەوتی خاوى برێنت و تەکساسی ئەمەریکیش نرخەکانیان کەمێک گۆڕانکاریان بەسەرداهاتوە.
ئەمڕۆ چوارشەممە لەدوای کردنەوەی بازاڕەکانی ئاسیا نرخی نەوت بەرزبونەوەیەکی کەمی تۆمارکردوە و هەر بەرمیلێک نەوتی خاوی برێنت (Brent) لە بازاڕەکانی جیهاندا بە 67.60$ سەنت مامەڵەی پێوە دەکرێت، بەراورد بە دوێنێ بەیانی 30 سەنت لە نرخەکەی بەرزبووەوە.
هاوكات، نرخی بەرمیلێک نەوتی رۆژئاوای تێكساسیش (WTI) بەرزبونەوەی بەخۆیەوە بینی کە بە 62.50$ سەنت لە بازاڕەکاندا مامەڵەی پێوە دەکرێت، بەراورد بە دوێنێ بەیانی 30 سەنت لە نرخەکەی بەرزبووەوە.
