نوێترین نرخی زێڕ و زیو لە بازاڕەکانی جیهان و ناوخۆدا

​ئەمڕۆ سێشەممە، ٢ـی حوزەیرانی ٢٠٢٦، بازاڕەکانی کانزا گرانبەهاکان گۆڕانکاری نوێیان بەخۆوە بینی و نرخەکان بەراورد بە دوێنێ ڕوویان لە بەرزبوونەوە کردەوە؛ بە جۆرێک زێڕ و زیو لەسەر ئاستی جیهانی و ناوخۆیی بەهایەکی بەرزتریان تۆمارکرد.

​لە بازاڕە جیهانییەکاندا، نرخی یەک ئۆنسە زێڕ بەرزبووەوە بۆ 4,538.74 دۆلار، یەک کیلۆگرام گەیشتە 145,924.04 دۆلار و یەک گرامیش بە 145.92 دۆلار مامەڵەی پێوە دەکرێت.

هاوکات لە بازاڕەکانی ناوخۆشدا و بەپێی نرخی فەرمی سەندیکای زێڕنگران، عەیارەکان بازدانیان بەخۆوە بینی و بەم شێوەیە جێگیر بوون؛ عەیارەی ٢٢ بە 1,022,610 دینار، عەیارەی ٢١ بە 976,128 دینار و عەیارەی ١٨ بە 836,681 دینار مامەڵەی پێوە دەکرێت.

​لەلایەکی دیکەوە، بازاڕی زیویش هاوشێوەی زێڕ ڕووی لە بەرزبوونەوە کرد، بە جۆرێک لە ئێستادا نرخی هەر ئۆنسەیەک زیو گەیشتووەتە 76.77 دۆلار، هەر کیلۆگرامێک بە 2,468.08 دۆلار مامەڵەی پێوە دەکرێت و نرخی هەر گرامێکیش لەسەر 2.47 دۆلار جێگیر بووە.

​شارەزایانی ئابووری ئاماژە بەوە دەکەن کە بەردەوامیی گرژییە جیۆپۆلەتیکییەکان لە ناوچەکە و دروستبوونی مەترسی لەسەر ڕێڕەوی بازرگانی لە گەرووی هورمزدا، دڵەڕاوکێی خستووەتەوە ناو بازاڕەکان. بە بڕوای ئەوان، هەرەشەکان لەسەر گەرووی هورمز ترسی گەورەی لە سەرهەڵدانەوەی شەپۆلێکی نوێی هەڵاوسان و گۆڕانکاری خێرا لە نرخی وزەدا دروستکردووە، ئەمەش وایکردووە وەبەرهێنەران بۆ پاراستنی سەرمایەکانیان ڕوو لە کڕینی کانزا گرانبەهاکان بکەنەوە.

بیتکۆین ئاستە بەرزەکانی پێشووی لەدەستدا

​لە گۆڕانکارییەکی نوێی بازاڕی دراوە دیجیتاڵییەکاندا، نرخی بیتکۆین پاشەکشەیەکی بەرچاوی بەخۆیەوە بینی و لە دواین مامەڵە ڕاستەوخۆکاندا گەیشتە 70,138.16$. ئەمەش دوای ئەوە دێت کە پێش دوو هەفتە و لە 19ی ئایاردا نرخەکەی لە دەوروبەری 77,190$ بۆ 78,000$ دابوو.

​شرۆڤەکارانی بازاڕ ئاماژە بەوە دەکەن، بیتکۆین شکستیهێنا لەوەی لە سەرووی ئاستە بەرزەکانی پێشووی خۆی جێگیر بکات، ئەوەش وایکرد ئاراستەیەکی دابەزین بگرێتەبەر و لە ماوەی 14 ڕۆژدا نێزیکی 7,000$ بۆ 8,000$ (نێزیکی 10%) لە بەهای خۆی لەدەست بدات. مانەوەی پێشووی نرخەکە لە خوار ئاستی 80,000 دۆلار نیشانەی ئەوە بوو کە ئەم نرخە ببووە ئاستێکی بەرگریی هەستیار.

​بەپێی گوتەی شرۆڤەکاران، بەهۆی بەردەوامیی گرژییە جیۆسیاسییەکان و ئاڵۆزییەکانی ناوچەکە کە کاریگەری نەرێنییان لەسەر بۆرسەی ئەمریکاش هەبووە، ترسی گەورە لای وەبەرهێنەران دروستبووە. ئەگەر نرخی بیتکۆین لەم ئاستەی ئێستادا نەپارێزرێت، ئەگەری دابەزینی زیاتری هەیە و ڕەنگە ڕووبەڕووی فشارێکی توندتری فرۆشتن ببێتەوە.

تۆوی برنج بۆ وەرزی هاوین دابەشدەکرێت

عەبدولرەحیم جاسم شەمەری، وەزیری کشتوکاڵی عێراق، ڕایگەیاند، لە ڕۆژی چوارشەممە، 3ـی حوزەیرانی 2026، پرۆسەی دابەشکردنی تۆوی برنج بۆ وەرزی هاوینە دەستپێدەکات، گوتیشی، بۆ هەر دۆنمێک 35 کیلۆگرام دابەش دەکرێت.

نووسینگەی ڕاگەیاندنی وەزارەتەکە بڵاویکردەوە، لە کۆبوونەوەی “ئەنجوومەنی نیشتمانیی تۆو”ی دەنگ لەسەر دەستپێکردنی دابەشکردنی جۆرە جیاوازەکانی تۆوی برنج دراوە کە لە کۆمپانیای عێراقی بۆ بەرهەمهێنانی تۆو بەردەستن. دابەشکردنەکەش بە نۆرە و پێشینەی ناوی جووتیاران دەبێت.

لە راگەیەندراوەکەدا هاتووە، دەنگدراوە لەسەر وەرگرتن، کۆگا کردن و پاککردنەوەی ئەو تۆوانەی کە لە کێڵگەکانی مەزارگەی حوسێنیی کارگەی جەنەتی ئەرزولفورات، دروێنە کراون بە بڕی 2500 تۆن. هەروەها وەرگرتن و کۆگا کردنی 2500 تۆنی تر لە لایەن کۆمپانیای “فەیحا” لە پارێزگای بابل پەسەندکرا، کە بڕیارە ئەم پرۆسەی وەرگرتنە بە شێوەیەکی فەرمی و بەبێ بەرامبەر ئەنجام بدرێت.

نرخی نەوت لە بەرزبوونەوە بەردەوامە

​ئەمڕۆ چوارشەممە، ٣ی حوزەیرانی ٢٠٢٦، لەگەڵ بەردەوامیی مامەڵەکان لە بازاڕەکانی وزەدا، نرخی نەوت درێژەی بە ئاراستەی هەڵکشانەکەی دا و بەراورد بە نرخەکانی دوێنێ، بەرزبوونەوەی زیاتری تۆمارکرد.

​لە گۆڕانکارییە بەردەوامەکانی ئەمڕۆی بازاڕدا، نرخی هەر بەرمیلێک نەوتی خاوی برێنت گەیشتووەتە 97.51 دۆلار، کە بەراورد بە ئامارەکانی دوێنێ (94.27 دۆلار) بە بڕی 3.24 دۆلار بە شێوەیەکی بەرچاو بەرزبووەتەوە. هاوكات، نرخی هەر بەرمیلێک نەوتی خاوی سووکی تەکساسی ئەمریکیش زیاتر سەرکەوت و گەیشتە 95.29 دۆلار، کە ئەمەش بەراورد بە کاتی پێشوو (91.41 دۆلار) بەرزبوونەوەی 3.88 دۆلاری نیشان دەدات.

​ئەم گۆڕانکارییە و سەرهەڵدانەوەی لاریی نرخەکان بەرەو سەرەوە بەهۆی توندبوونەوەی ئاڵۆزییەکانی ئەم دواییەی ناوچەکەوەیە، کە ترسی لای وەبەرهێنەران دروستکردووە.

بازرگانان لە بازاڕەکانی جیهاندا بە گرنگییەکی زۆرەوە دەڕواننە ناوەڕۆکی لێدوانەکانی هەردوولا؛ بەتایبەتی هەڕەشەکانی ئێران سەبارەت بە گەرووی هورمز و جووڵەی ڕاستەقینەی کەشتییە نەوتییەکان لەو دەروازە ئاوییە ستراتیژییەدا، کە ئەم دۆخە دڵەڕاوکێیەی ناوچەکە ڕاستەوخۆ بووەتە هۆی تێکچوونی هاوسەنگیی بازاڕ و وایکردووە نرخەکان بە توندی ڕوو لە هەڵکشان بکەنەوە.

نوێترین نرخی زێڕ و زیو لە بازاڕەکانی جیهان و ناوخۆدا

​ئەمڕۆ چوارشەممە، ٣ـی حوزەیرانی ٢٠٢٦، بازاڕەکانی کانزا گرانبەهاکان نزمبوونەوەیەکی بەرچاویان بەخۆوە بینی؛ نرخی زێڕ و زیو لەسەر ئاستی جیهانی و بازاڕەکانی ناوخۆدا بەراورد بە دوێنێ ڕوویان لە دابەزین کردووە و بەشێک لە بەهاکەیان لەدەستداوە.

​لە بازاڕە جیهانییەکاندا، نرخی یەک ئۆنسە زێڕ دابەزی بۆ 4,458.48 دۆلار، یەک کیلۆگرام بە 143,343.46 دۆلار و یەک گرامیش بە 143.34 دۆلار مامەڵەی پێوە دەکرێت.

هاوکات لە بازاڕەکانی ناوخۆشدا و بەپێی نرخی فەرمی سەندیکای زێڕنگران، عەیارەکان هاتنە خوارەوە و بەم شێوەیەن؛ عەیارەی ٢٢ بە 1,005,210 دینار، عەیارەی ٢١ بە 959,518 دینار و عەیارەی ١٨ بە 822,444 دینار مامەڵەی پێوە دەکرێت.

​لەلایەکی دیکەوە، بازاڕی زیویش هاوشێوەی زێڕ ڕووی لە دابەزین کرد، بە جۆرێک لە ئێستادا نرخی هەر ئۆنسەیەک زیو هاتووەتە خوارەوە بۆ 74.14 دۆلار، هەر کیلۆگرامێک بە 2,383.82 دۆلار مامەڵەی پێوە دەکرێت و نرخی هەر گرامێکیش لەسەر 2.38 دۆلار جێگیر بووە.

​شارەزایانی ئابووری ئاماژە بەوە دەکەن کە بەردەوامیی گرژییە جیۆپۆلەتیکییەکان لە ناوچەکە و دروستبوونی مەترسی لەسەر ڕێڕەوی بازرگانی لە گەرووی هورمزدا، بەردەوام دڵەڕاوکێ و نادڵنیایی لە ناو بازاڕەکاندا دەهێڵێتەوە. بە بڕوای ئەوان، هەرەشەکان لەسەر گەرووی هورمز و ترسی سەرهەڵدانەوەی شەپۆلێکی نوێی هەڵاوسان، وایکردووە بازاڕەکان خێرا و بەپێی پێشهاتە سیاسییەکان کاردانەوە نیشان بدەن و ببێتە هۆی ئەم جۆرە بەرزبوونەوە و دابەزینە لەناکاوە لە بەهای کانزا گرانبەهاکاندا.

سپەیس ئێکس یاساکانی بۆرسە دەگۆڕێت؛ دەیەوێت گەورەترین سەرمایە لە مێژوودا کۆبکاتەوە

کۆمپانیای (SpaceX)ی تایبەت بە پیشەسازیی بۆشایی ئاسمان، کە لەلایەن ملیاردێر ئیلۆن مەسکەوە بەڕێوەدەبرێت، لە هەنگاوێکی نائاسایی و مێژووییدا خۆی بۆ چوونە ناو بازاڕی بۆرسەی جیهانی (IPO) ئامادە دەکات. کۆمپانیاکە بە جێگیرکردنی نرخێکی پێشوەختە بۆ پشکەکانی، تەواوی یاسا باوەکانی واڵ ستریت دەگۆڕێت.

بەپێی زانیارییە دزەپێکراوەکان کە ئاژانسی ڕۆیتەرز بڵاویەکردوونەتەوە، سپەیس ئێکس پلانی داناوە نرخی هەر پشکێکی خۆی بە جێگیری لەسەر 135 دۆلار دیاری بكات. کۆمپانیاکە لە ڕێگەی فرۆشتنی 555.6 ملیۆن پشکەوە، ئامانجیەتی بڕی 75 ملیار دۆلار کۆبکاتەوە، ئەمەش ئەگەر جێبەجێ بکرێت دەبێتە گەورەترین پرۆسەی کۆکردنەوەی سەرمایە (IPO) لە مێژووی دارایی جیهاندا.

بەپێی ئەم نرخە، بەهای گشتیی کۆمپانیای سپەیس ئێکس دەگاتە 1.75 تریلیۆن دۆلار ، ئەمەش دوای ئەوەی لە سەرەتای ئەمساڵدا لەگەڵ کۆمپانیای (xAI)ی تایبەت بە ژیری دەستکرد تێکەڵ بوو.

چاودێرانی دارایی ئاماژە بەوە دەکەن کە ئەم نرخاندنە کەمێک سەرکێشییە؛ چونکە کۆمپانیاکە لە ساڵی 2025دا زیانی نێتی گەیشتووەتە 4.94 ملیار دۆلار بەهۆی خەرجییە زەبەلاحەکانی لە پڕۆژەکانی ژیری دەستکرد و بنکەکانی داتا لە بۆشایی ئاسماندا، و لە ئێستادا تەنها تۆڕی مانگی دەستکردی (Starlink) سەرچاوەی سەرەکیی قازانجی کۆمپانیاکەیە.

پشک بۆ خەڵکی ئاسایی: ئیلۆن مەسک بڕیاریداوە 30%ی پشکەکان بۆ وەبەرهێنەرە بچووکەکان و خەڵکی ئاسایی تەرخان بکات، ئەمەش ڕێژەیەکی زۆر بەرزە لە مێژووی بۆرسەدا.

پارەکە بۆ کوێ دەچێت؟ تەواوی ئەو 75 ملیار دۆلارەی کۆدەکرێتەوە، ڕاستەوخۆ دەچێتە خەزێنەی سپەیس ئێکس بۆ پەرەپێدانی تەکنەلۆژیای مۆدێرن، و دامەزرێنەرانی کۆمپانیاکە بۆیان نییە لەم قۆناغەدا پشکەکانی خۆیان بفرۆشن و پارەکە بەرنە دەرەوە.

پابەندبوونی مەسک: ئیلۆن مەسک بەپێی گرێبەستەکە ناچارە پشکەکانی خۆی بۆ ماوەی لانی کەم 366 ڕۆژ دوای دەستپێکردنی بۆرسەکە بپارێزێت و نەیانفرۆشێت، بۆ ئەوەی متمانە بە وەبەرهێنەران ببەخشێت.

بڕیارە گەشتی ناساندن و نمایشکردنی پشکەکانی کۆمپانیاکە بۆ وەبەرهێنەران ڕۆژی پێنجشەممە دەستپێبکات، و پێشبینی دەکرێت لە 12ی حوزەیرانی 2026 دا، پشکەکانی سپەیس ئێکس بە فەرمی لە ژێر هێمای ( SPCX ) لە بۆرسەی ناسداکی ئەمریکی دەست بە مامەڵە پێکردن بکەن.

ئاژانسه‌كان

بیتکۆین زیانی زیاتر تۆمار دەکات

​لە بەردەوامیی شەپۆلی دابەزینی بەهای دراوە دیجیتاڵییەکاندا، نرخی بیتکۆین پاشەکشەیەکی توندی دیکەی بەخۆیەوە بینی و لە دواین مامەڵە ڕاستەوخۆکاندا بۆ 66,925.38$ دابەزی.

​ئەم دابەزینە نوێیە دوای ئەوە دێت کە دوێنێ نرخی یەک بیتکۆین لە دەوروبەری 70,138.16$ دابوو، بەوەش تەنها لە ماوەی 24 کاتژمێری ڕابردوودا نزیکەی 3,212$ (نێزیکی 4.5%)ی دیکە لە بەهای خۆی لەدەستداوە.

​شرۆڤەکارانی بازاڕ ئاماژە بەوە دەکەن، شکستی بیتکۆین لە پاراستنی هێڵی 70 هەزار دۆلار، ترسی لای وەبەرهێنەران زیاتر کردووە و بازاڕەکەی ڕووبەڕووی فشارێکی خێراتری فرۆشتن کردووەتەوە، کە ئەمەش بەهۆی بەردەوامیی گرژییە جیۆسیاسییەکان و نادڵنیایی لە بۆرسە جیهانییەکاندا هاتووەتە ئاراوە.

نرخی نەوت کەمێک پاشەکشەی کرد

​ئەمڕۆ پێنجشەممە، ٤ی حوزەیرانی ٢٠٢٦، لەگەڵ بەردەوامیی مامەڵەکان لە بازاڕەکانی وزەدا، نرخی نەوت ئەو شەپۆلە بەرزبوونەوە توندەی دوێنێی هێورکردەوە و کەمێک ڕووی لە دابەزین کردەوە.

​لە گۆڕانکارییە بەردەوامەکانی ئەمڕۆی بازاڕدا، نرخی هەر بەرمیلێک نەوتی خاوی برێنت گەیشتووەتە 96.90 دۆلار، کە بەراورد بە ئامارەکانی دوێنێ (97.51 دۆلار) بە بڕی 61 سەنت دابەزیوە. هاوكات، نرخی هەر بەرمیلێک نەوتی خاوی سووکی تەکساسی ئەمریکیش کەمێک دابەزی و گەیشتە 95.14 دۆلار، کە ئەمەش بەراورد بە کاتی پێشوو (95.29 دۆلار) نیشتنەوەی وورد پێشان دەدات کە تەنها 15 سەنتە.

​ئەم گۆڕانکارییە و مانەوەی نرخەکان لە ئاستێکی بەرزدا، نیشانەی ئەوەیە کە بازاڕەکان هێشتا بە تەواوی لە دۆخی دڵەڕاوکێ ڕزگاریان نەبووە بەهۆی ئاڵۆزییەکانی ناوچەکەوە.

بازرگانان لە بازاڕەکانی جیهاندا بە گرنگییەکی زۆرەوە دەڕواننە ناوەڕۆکی لێدوانەکانی هەردوولا، بەتایبەتی هەڕەشەکانی ئێران سەبارەت بە گەرووی هورمز و جووڵەی ڕاستەقینەی کەشتییە نەوتییەکان لەو دەروازە ئاوییە ستراتیژییەدا، کە ئەم دۆخە ڕاستەوخۆ کار دەکاتە سەر هاوسەنگیی بازاڕ و نەهێشتنی ئارامیی تەواوەتی لە کەرتی وزەدا.

نرخی زێڕ و زیو لە بازاڕەکانی جیهان و ناوخۆدا

​ئەمڕۆ پێنجشەممە، ٤ـی حوزەیرانی ٢٠٢٦، بازاڕەکانی کانزا گرانبەهاکان گۆڕانکاری و جووڵەی نوێیان بەخۆوە بینی؛ نرخی زێڕ بەراورد بە دوێنێ کەمێک ڕووی لە بەرزبوونەوە کردووە، لە کاتێکدا بازاڕی زیو بە پێچەوانەوە نزمبوونەوەیەکی کەمی تۆمارکردووە.

​لە بازاڕە جیهانییەکاندا، نرخی یەک ئۆنسە زێڕ بەرزبووەوە بۆ 4,464.99 دۆلار، یەک کیلۆگرام گەیشتە 143,552.92 دۆلار و یەک گرامیش بە 143.55 دۆلار مامەڵەی پێوە دەکرێت.

هاوکات لە بازاڕەکانی ناوخۆشدا و بەپێی نرخی فەرمی سەندیکای زێڕنگران، عەیارەکان کەمێک چوونەتە سەرەوە و بەم شێوەیەن ؛ عەیارەی ٢٢ بە 1,006,749 دینار، عەیارەی ٢١ بە 960,987 دینار و عەیارەی ١٨ بە 823,703 دینار مامەڵەی پێوە دەکرێت.

​لەلایەکی دیکەوە، بازاڕی زیو ڕووی لە دابەزین کرد، بە جۆرێک لە ئێستادا نرخی هەر ئۆنسەیەک زیو هاتووەتە خوارەوە بۆ 73.06 دۆلار، هەر کیلۆگرامێک بە 2,349.09 دۆلار مامەڵەی پێوە دەکرێت و نرخی هەر گرامێکیش لەسەر 2.35 دۆلار جێگیر بووە.

​شارەزایانی ئابووری ئاماژە بەوە دەکەن کە بەردەوامیی گرژییە جیۆپۆلەتیکییەکان لە ناوچەکە و دروستبوونی مەترسی لەسەر ڕێڕەوی بازرگانی لە گەرووی هورمزدا، بەردەوام دڵەڕاوکێ و نادڵنیایی لە ناو بازاڕەکاندا دەهێڵێتەوە. بە بڕوای ئەوان، هەرەشەکان لەسەر گەرووی هورمز و ترسی سەرهەڵدانەوەی شەپۆلێکی نوێی هەڵاوسان، وایکردووە بازاڕەکان خێرا و بەپێی پێشهاتە سیاسییەکان کاردانەوە نیشان بدەن و ببێتە هۆی ئەم جۆرە بەرزبوونەوە و دابەزینە لەناکاوە لە بەهای کانزا گرانبەهاکاندا.

دابەزینی نرخی ماسی لە بازاڕەکاندا؛ ئەگەر هەیە نرخەکە زیاتریش دابەزێت

نرخی ماسی ڕووی لە دابەزین کردووە و هەندێک جۆری ماسی بۆ هەر کیلۆگرامێک نزیکەی پێنج هەزار دینار داشکاندنی بۆ کراوە.

کاسبکاران هۆکاری ئەم دابەزینە بۆ زیادبوونی ڕێژەی بەرهەم لە بازاڕدا دەگەڕێننەوە، کە ئەمەش لڤین و جموجۆڵێکی بازرگانیی باشی دروست کردووە و خواست لەسەر کڕینی ماسی لەلایەن هاووڵاتییانەوە بە شێوەیەکی بەرچاو زیادی کردووە.

​بەپێی زانیارییەکانی ئاژانسی هەواڵی زاگرۆس، ​ئەم دابەزینە لەکاتێکدایە کە ئێستا بڕیاری مەنعی ڕاوکردن لە دەریاچە و ڕووبارەکاندا جێبەجێ دەکرێت. پێشبینیش دەکرێت کە ئەگەر بڕیاری مەنعی ڕاوکردن هەڵبگیرێت و ڕێگە بە ڕاوکردن بدرێتەوە، ئەوا بەهۆی زیادبوونی خستنەڕووی زیاتری ماسی لە بازاڕدا، نرخی ماسی لەوەی ئێستا هەیە زیاتر دادەبەزێت و دەرفەتێکی باشتر بۆ کڕیاران دەڕەخسێت.

جێی باسە، ​لەپاڵ ئەم دابەزینە نرخەدا، گرنگیی خواردنی ماسی وەک سەرچاوەیەکی سەرەکیی پرۆتینی تەندروست و دەوڵەمەند بە ئۆمێگا 3، پێویستییەکی تەندروستییە. ماسی بەوە ناسراوە کە دەوڵەمەندە بە ڤیتامین D و یۆد، کە بۆ پاراستنی تەندروستی دڵ، مێشک، و بەهێزکردنی کۆئەندامی بەرگری جەستە پێویستن، هەربۆیە سوودوەرگرتن لەم نرخە گونجاوەی ئێستا، دەرفەتێکی زێڕینە بۆ پەیڕەوکردنی سیستەمێکی خۆراکی تەندروست بۆ هەموو خێزانەکان.